Luke 11:39 - Hawaii Pidgin Bible

³⁹ An Jesus, Da One In Charge, tell him, “You know, you Pharisee guys, jalike you guys clean ony da outside a da cup an da plate. But inside you, stay full a bad kine stuff, an you like stash eryting fo ony you!

Luke 11:39 ပူးပေါင်းရင်းမြစ်များ

Start 6:5

Da One In Charge wen see how da peopo stay do mo an mo plenny bad kine stuff, all ova da world. All da time dey ony tink how fo do bad kine stuff.

2 Records 25:2

Amaziah do wat stay right da way Da One In Charge see um, but he no go all out fo do um.

Songs 22:13

Dem guys, dey rip into me Jalike dey lions dat make big noise, An come afta me wit dea mout wide open fo bite me.

Smart Guys 26:23

Wen somebody talk nice to you, Jalike eryting stay okay, But inside, dey like hurt you, Az jalike wen peopo put da junks from melt silva All ova one clay pot Fo make um look fancy kine, But still, az ony one clay pot.

Smart Guys 26:25

No tink az fo real Wat dat kine guy tell, No matta he make eryting he tell Soun real good. Cuz inside him, da guy get All pilau kine stuff he tink.

Smart Guys 30:12

Dey da kine peopo Dat tink no mo notting wrong wit dem. An inside, dey pilau. Dey no let nobody make um come clean inside.

Jeremiah 4:14

Eh you Jerusalem peopo, throw out da bad kine stuff from inside you, Fo Da One In Charge get you guys outa trouble! How long you guys goin make plan Fo do wrong kine tings?!

Ezekiel 22:25

Da Israel princes make plan togedda agains da land. Dey jalike da lion dat make loud noise wen he kill one animal an rip um up. Az jalike da prince guys eat up da peopo. Dey rip off da rich kine stuff dat worth plenny, an make plenny Israel wahines come widows.

Ezekiel 22:27

Da Israel leadas ack jalike da wolfs dat rip up animals an make um bleed. Dey wipe out peopo cuz dey greedy fo do wass wrong fo make money.

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Matthew 15:19

Any kine bad kine stuff come out from inside. Dass how erybody tink how fo do bad kine stuff. Dass why dey kill peopo, o dey married an go fool aroun, o dey not married an dey still yet go fool aroun, dey rip off da odda guy, dey bulai bout da odda guy, o dey talk bad bout da odda guy.

Matthew 7:15

“Watch out fo da guys dat tell dey talk fo God an teach stuff dass not true. Dey ony bulaias. Dey come by you guys an ack all good kine, but fo real kine, inside dey like eat you up, jalike dey wild dogs dat try fo look jalike dey sheeps.

Luke 16:15

Jesus tell um, “You da guys dat tell da peopo you do da right kine stuff, but God know how you guys stay inside. Da stuff da peopo tink stay real good, dass da stuff God figga no good.”

Luke 7:13

Da Boss Jesus spock her, an he get pity fo her. He tell, “No cry now.”

Luke 7:19

an tell dem fo go by Jesus, Da One In Charge, an aks him, “Eh, you da guy suppose to come, o wat? O we suppose to wait fo anodda guy fo come?”

John 12:6

Da guy, he no mo aloha fo da peopo dat no mo notting, he ony talk lidat cuz he one steala guy. He stay in charge a da money bag fo Jesus dem, an he cockaroach um.

John 13:2

Jesus dem stay eat da Passova dinna. An da Devil awready make Judas, Simon Iscariot boy, figga dat he like set up Jesus.

Jesus Guys 5:3

Peter tell him, “Ananias, how come you let Satan take charge a you, an you bulai da Good An Spesho Spirit, an us guys too? Cuz you wen keep ony fo you some a da money you wen get fo da land, but you tell us az all da money you wen get!

Galatia 1:14

I wen stick wit da Jew Rules plenny, mo den da odda Jew guys my age. I wen go all out fo do eryting oua ancesta guys wen tell us how fo live.

2 Timoty 3:5

Dey goin ack jalike dey stay real religious, but dey tell erybody dea kine religion no mo powa. You gotta stay away from dat kine peopo.

Titus 1:15

Da peopo dat no mo bad kine stuff inside, fo dem eryting good da way dey see um. But da peopo dat stay pilau inside an no trus God, eryting stay pilau da way dey see um. Mo worse, even da way dey tink stay all pilau, an dey no shame fo do bad kine stuff.

James 4:8

So, come close to God, an he goin come close to you. Eh, you guys dat stay do da bad kine stuff—go clean up inside! You guys dat stay ack jalike you get two brain, you gotta make shua you all clean fo God!