Luke 10:19 - Hawaii Pidgin Bible

¹⁹ Lissen! I wen give you guys da powa fo you walk on top snakes an scorpions, an you guys get da powa fo win ova da one dat stay agains us, az Satan. You guys get plenny mo powa den Satan get. An notting goin hurt you guys.

Luke 10:19 ပူးပေါင်းရင်းမြစ်များ

2 Records 10:11

Yeah, my faddah wen make you guys bus ass, jalike he wen put one heavy yoke on you guys. Now me, I goin make you guys bus ass even moa! My faddah wen use whips fo teach you guys wat you gotta do. I goin use scorpions fo teach you!’ ”

Songs 91:13

You goin win ova eryting, Jalike if you wen fight Wit da young lions O da poison snakes.

Isaiah 11:8

Da bebe goin tink az good fun fo play On top da hole dat get one snake inside dat can kill um. Da small kids goin put dea hand inside da hole fo try catch um, But da snake no goin like kill nobody.

Ezekiel 2:6

“An you, Fo Real Kine Guy. No sked dem, no sked wat dey tell. No sked, no matta da peopo all aroun you stay jalike thorns an stickas, an stay jalike scorpions undaneat you. No sked dem. Neva mind wat dey tell, an no matta dea whole ohana go agains me.

Mark 16:18

Dey even goin pick up snakes wit dea hands. If dey drink poison, no goin hurt dem. Dey goin put dea hands on top da sick peopo, an da sick peopo goin come good.”

Luke 11:12

If he go aks you fo one egg, you goin give um one scorpion? Nah!

Jesus Guys 28:5

But Paul shake off da snake from his hand inside da fire, an notting happen to Paul.

Rome 16:20

God, he da One dat like make us come so notting bodda us. He da One dat goin wipe out da powa Satan get. Pretty soon dat goin happen. I like fo Jesus, Da One In Charge, do plenny good kine stuff fo you guys.

Jesus Show 11:5

If somebody like hurt dem, fire come outa da guys mout an burn dem up. Dass how da guys goin wipe out whoevas go agains dem.