Luke 1:66 - Hawaii Pidgin Bible

⁶⁶ Erybody dat hear dat story tink plenny, an tell, “Wat kine kid dis goin be?” Cuz da powa from God stay wit him.

Luke 1:66 ပူးပေါင်းရင်းမြစ်များ

Start 37:11

Cuz a dat, Joseph braddah guys come mo huhu an jealous wit Joseph. But Jacob, Joseph faddah, he tink plenny bout all dat.

Start 39:2

Dass how come Joseph stay Potifar house, cuz Potifar wen buy him. Da One In Charge, he stay tight wit Joseph an help um come one good worka fo Potifar.

1 Kings 18:46

Da One In Charge make Elijah come strong. So he pull up his robe an tie um wit his belt, den he run in front Ahab all da way to da place peopo go inside Jezreel town.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Songs 80:17

Go help da guy you wen pick Fo be yoa right hand guy, Da guy dass fo real, Cuz you make him strong fo help you.

Songs 89:21

Wit da powa I get I goin make him stay solid An make him stay strong.

Luke 1:80

Da boy John grow up, an his spirit come strong. He live inside da boonies till da day he come out an da Israel peopo see him.

Luke 2:19

But Mary put all dese tings inside her, an tink plenny how spesho dey stay.

Luke 2:40

Da boy grow an come strong. He come akamai, an God do good tings fo him.

Luke 2:51

So Jesus go back wit dem to Nazaret, an erytime he do wat dey tell um fo do. But his muddah no tell notting to nobody, but tink plenny bout um.

Luke 9:44

“No foget wat I goin tell you now! I da Fo Real Kine Guy. But goin get one guy goin set me up an turn me ova to some odda guys.”

Jesus Guys 11:21

Da One In Charge help dem, an plenny peopo start fo trus him.

Colosse 1:5

You guys stay lidat, cuz you guys know God get someting good fo you guys up dea wit him in da sky. Dass why you guys trus God, cuz you guys wen hear da Good An True Stuff From Him.

1 Samuel 16:18

One a da worka guys tell, “You know wat?! I wen see one a Jesse boys from Betlehem dat fo real kine know how fo play da harp. He no sked fo fight, an know how fo fight. He erytime tink befo he talk. An he good looking. Da One In Charge stay tight wit him.”

1 Samuel 2:18

Da boy Samuel, he wear da linen kine ves jalike one pries, an he do da pries kine work in front Da One In Charge.