Luke 1:48 - Hawaii Pidgin Bible

⁴⁸ He wen tink bout me, his pooa worka! From now on all da peopo goin tell God wen do plenny good stuffs fo me,

Luke 1:48 ပူးပေါင်းရင်းမြစ်များ

Start 30:13

Dat time Leah tell, “Now I stay feel good inside!” She tink, “Now, da odda wahines goin see I stay feel good inside!” Dass how come she call dat boy Asher, cuz soun kinda like “feel good inside,” dea language.

2 Samuel 7:8

“Now tell my worka guy David: ‘Dis da message from me, Da One In Charge, Da God Ova All Da Armies: I da One wen take you outa da grass fields wea you take kea da sheeps. I wen pick you fo come da leada ova my Israel peopo.

Songs 102:17

Wen da peopo dat no mo notting pray, He goin lissen. He no goin tink Da ting dey tell him fo do, ony junk.

Songs 136:23

Us was nobody, but Da One In Charge Neva foget us guys, Cuz he stay tight wit his peopo foeva!

Songs 138:6

Eh! You Da One In Charge! Fo shua, you importan, But still yet, you see wass happening Wit da peopo dat not importan. An da peopo dat get big head, No matta dey stay far, You know wat dey stay do.

Songs 72:17

I like fo peopo no foget Wat kine king him, Foeva, all da time da sun stay shine. I like fo all da nations tell, “God do good tings fo us, Cuz a dis king an his ohana!” An dey tell, “Dis king, Fo shua he stay good inside!”

Isaiah 66:2

You guys know dat I wen make Eryting dat get, da sky an da earth, aah? Az how come dey stay hea.” Da One In Charge, he da One tell dat. An he tell: “I tell you, wat kine peopo I like lissen to! Da kine peopo dat no mo big head, An dat stay all bus up inside, An stay sked an shaking Wen dey hear wat I tell.

Malakai 3:12

“Den all da peopos from diffren place goin tell You guys can stay good inside, Cuz yoa land, one real nice place. Dass wat I tell, An me Da One In Charge, Da God Ova All Da Armies.”

Luke 1:28

Da angel guy come by her an tell, “Aloha! Da One In Charge goin do someting spesho fo you. He stay wit you.”

Luke 1:42

She talk loud an tell, “God stay do mo good fo you den fo all da odda wahines, an he stay do mo good fo da boy you goin born too!

Luke 1:45

Da One In Charge stay do plenny good stuff fo you, cuz you stay shua dat da ting he tell goin happen.”

Luke 1:49

Cuz God get powa An do plenny importan tings fo me. He stay good an spesho, Dass wat kine god him.

Luke 11:27

Wen Jesus tell dat, one wahine from da peopo tell, “Da wahine dat wen born you an breas feed you, her da one stay good inside!”

1 Samuel 1:11

Hannah make one strong promise to God. She tell, “Eh, you Da One In Charge, Da God Ova All Da Armies, You awesome! An I yoa slave! You know how plenny I stay suffa. So I like fo you no foget me! Take kea me! You my boss, az why. If you give me one boy bebe, I make dis promise: I goin hanai him ony fo you. An jus fo show dat he goin be yoa boy foeva, Nobody goin shave his head, eva!”

1 Samuel 2:8

Da One In Charge lif up outa da dirt an da ashes Dose peopo dat no mo notting, He let um sit wit all da alii guys. He give dem da right fo sit on top da thrones, An odda peopo goin show dem respeck. “Dass cuz Da One In Charge own All da deep places undaneat da world, An he put da world on top um.