Love Song 4:3 - Hawaii Pidgin Bible

³ Yoa lips look jalike one dark red ribbon. Real nice, yoa mout stay Yoa cheeks behind yoa veil Look jalike da two halfs a one pomagram.

Love Song 4:3 ပူးပေါင်းရင်းမြစ်များ

Start 32:10

Me, I not one importan guy. But you stay tight wit me cuz I yoa guy. I know I can trus you erytime fo hang in dea wit me, yoa slave guy, jalike you wen tell me befo time. Cuz wen I go da firs time an cross dis Jordan Riva, I no mo notting. Da ony ting I get was one stick fo walk. Now, I get choke plenny peopo fo fill up two camp.

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Songs 119:13

I tell da peopo All da tings you tell cuz you da judge.

Songs 37:30

Da peopo dat do wass right, dey tink plenny, So den dey know wat fo do erytime. Dey erytime talk bout Wat dey suppose to do.

Songs 45:2

From all da guys dat get, You da mos good looking. Erytime you talk, show you get aloha. Az why God do good tings fo you erytime.

Smart Guys 10:13

Da peopo dat undastan stuff, Wen dey talk, you can learn wat fo do. But gotta get one big stick fo wack Da peopo dat no tink bout stuff.

Smart Guys 31:26

Wen she talk, she show dat she know wat fo do erytime. Wen she teach, she show aloha erytime.

Love Song 1:5

Eh you young Jerusalem wahines! Dark, but pretty, How I stay look! I dark jalike da dark tents da Kedar peopo use, Jalike da kine cloth Solomon use fo cova his tent!

Love Song 4:11

Wen you kiss me, yoa lips sweet jalike honey, my bride. Yoa tongue jalike milk an honey togedda. Yoa clotheses smell good, jalike stuff from Lebanon.

Love Song 5:13

Da beard on his cheeks smell nice, Jalike gardens all pile up wit balsam spice bush. His lips jalike lily flowas Dat get myrrh kine perfume all ova.

Love Song 5:16

Inside his mout, stay sweet! Eryting bout him, make me like take him! Eh! You young Jerusalem wahines! Dis one, da one I love, an he my fren too!

Love Song 6:7

Yoa cheeks behind yoa veil Look jalike da two halfs a one pomagram.

Love Song 7:9

An inside yoa mout, az jalike da bestes kine wine. An I like dat wine go strait to da one I love. An go ova his lips an teet easy kine.

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Prieses 14:4

da pries guy goin tell somebody fo bring two birds dat stay alive an da right kine fo kill fo make sacrifice, an some cedar wood, red string, an one oregano branch, fo da guy dat like come clean fo come in front me, Da One In Charge.

Prieses 14:6

Den he goin take da bird dat still alive an dip um inside da blood wit da spring watta from da bird he wen kill. He goin dip da cedar wood, da red string, an da oregano branch, same time.

Census 19:6

Da pries guy goin take some cedar kine wood, one oregano branch, an dark red wool stuff, an throw um on top da cow dat stay burn.

Census 4:8

Ova all dese tings dey goin spread one spesho kine red cloth, an cova dat wit dolphin skins, an put da poles fo carry da table wea dey suppose to go.

Matthew 12:35

Da good guy, he good inside, an he do good kine stuff. Da bad guy, he bad inside, an he do bad kine stuff.

Luke 4:22

Erybody dat hear him talk good bout him. Dat blow dea mind cuz he talk good. Dey tell, “Eh, dis Joseph boy, aah?”

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Colosse 4:6

Weneva you guys talk, no talk any kine—talk wit aloha. An no talk ony bout da junk kine stuff. Dass jalike food dat no mo taste. Talk bout da kine good stuff. Dass jalike food dat stay ono, cuz get salt fo taste! Eh! Good fo know how fo talk to any kine guy.

Hebrews 9:19

Dat time, Moses wen tell all da peopo eryting dat God tell dem dey gotta do. Den he make one sacrifice from cows an goats, an take da blood wit watta, an dark red wool string fo tie togedda oregano branches, an sprinkle da blood on top da Book dat tell wat God tell, an sprinkle um on top all da peopo dea too.