Local Leadas 8:3 - Hawaii Pidgin Bible

³ God let you guys win ova Oreb an Zeeb, da Midian leada guys. You guys do plenny mo den me!” Wen dey hear dat, dey no stay huhu wit him no moa.

Local Leadas 8:3 ပူးပေါင်းရင်းမြစ်များ

Songs 115:1

Eh! You Da One In Charge! No need fo somebody Tell good tings bout us guys. Mo betta, peopo tell good tings Bout wat kine god you! Cuz you da One dat do Awesome kine stuff! Cuz you stay tight wit yoa peopo, An you da kine God Dat us guys can trus.

Songs 44:3

Oua ancesta guys Wen take ova dis land, But no was cuz dey good wit swords O mo strong. Da main ting dat wen help dem fo win, Was cuz you stay strong. Cuz you like dem, An you like do good tings fo dem.

Smart Guys 15:1

Wen somebody no talk nice to you, Talk back with nice kine words An da odda guy goin come quiet one mo time. You talk harsh kine, He goin come all huhu wit you.

Smart Guys 16:32

If you can stay so notting bodda you, Az mo betta den be one guy dat can fight good. If you can come so notting bodda you wen you stay mad, Az mo betta den take ova one big town.

Smart Guys 25:11

Cuz wen somebody tell da right ting At da right time, Az real good. Dis, jalike one apple dey make from gold wit silva aroun.

Smart Guys 25:15

If you hang in dea long time, An no come huhu, You can make da leada guys tink Da same way you tink. If you talk nice to dem, Even da hard head guys goin lissen.

John 4:37

Az true wat da peopo tell, ‘One guy plant da seed an anodda guy harves da crop an bring um inside da store house.’

Rome 12:3

An cuz God wen do plenny good tings fo me, az why I stay tell all you guys dis: No tink you mo importan den who you fo real kine! Mo betta you figga who you fo real kine. Erybody gotta wise up fo figga how God wen make who you cuz you trus him.

Rome 12:6

Stay lidis: God give all us guys da powa fo do diffren kine tings cuz he like do good tings fo us. So, if God give you da powa fo talk fo him, an you trus him plenny, go talk plenny fo him.

Philippi 2:3

No go do stuff cuz you tink you mo betta den da odda guys, o cuz you like make one big show. Mo betta, figga lidis: odda peopo can do some tings mo betta den you. No get big head.

Local Leadas 8:2

But he tell dem, “Eh, you guys wen do mo den me, you know. Az jalike da grapes dat lef ova from you guys grape farms, dey mo betta den all da grapes from oua Abiezer ohana!

Local Leadas 8:4

Gideon an da three hundred guys wit him, dey stay wore out. But still yet dey stay chase da Midian guys. Dey come da Jordan Riva, an cross um.