Local Leadas 7:9 - Hawaii Pidgin Bible

⁹ Nite time, Da One In Charge tell Gideon, “Stan up. Go down by da camp. Cuz I goin make you guys win ova da Midian guys.

Local Leadas 7:9 ပူးပေါင်းရင်းမြစ်များ

2 Records 20:17

But az not yoa kuleana, fight dis war! Line up, stan strong, an watch how Da One In Charge goin get you guys outa trouble. You Judah an Jerusalem guys, no sked, an no lose fight! Go out fo face dem tomorra, cuz Da One In Charge goin stay wit you guys.’ ”

Job 4:13

I wen get skery kine dreams, Nite time, wen odda guys pass out sleep.

Matthew 1:20

But wen he stay figga lidat, right den an dea, wen he stay dreaming, one angel messenja guy from Da One In Charge come by him. Da angel guy tell, “Eh Joseph! You from King David ohana. No sked take Mary fo come yoa wife, cuz she hapai from God Spirit dat stay good an spesho.

Matthew 2:13

Afta da guys dat know plenny bout da stars go home, you know wat? Had one angel guy from Da One In Charge come by Joseph, wen he stay dream. Da angel guy tell him, “Eh Joseph! Wake up! Take yoa boy an his muddah, an go run Egypt side. Stay ova dea till I tell you fo come back. King Herod, he goin look fo da boy fo kill um dass why.”

Jesus Guys 27:23

I stay tight wit God an work fo him, you know. Las nite one angel messenja guy from God stan by me.

Joshua 10:8

Da One In Charge tell Joshua, “No sked dem. I goin help you guys win ova dem. Dey no can stan agains you guys.”

Joshua 11:6

Da One In Charge tell Joshua, “No sked fo face dem. Cuz dis same time tomorra, I goin make all dem fall down mahke in front you Israel guys. You goin cut dea horses back legs fo dem no run, an burn up dea war wagons.”

Joshua 2:24

Dey tell Joshua, “Da One In Charge stay give us all da land fo take ova. An all da peopo ova dea stay jalike dey melting in front us, cuz dey real sked!”

Local Leadas 20:28

an Eleazar boy Finehas, Aaron grankid, work in front da Box.) Dey aks, “We goin go up fo fight oua braddahs one mo time, da Benjamin guys, o wat?” Da One In Charge tell, “Go! Cuz tomorra I goin make you guys win ova dem.”

Local Leadas 3:10

God Spirit take charge a Otniel, so he come da local leada guy fo da Israel peopo, an lead dem fo fight. Da One In Charge give him da powa fo win ova Kushan-Rishataim, da Aram king.

Local Leadas 3:28

He tell um, “Go come wit me fo chase da Moab guys! Cuz Da One In Charge goin let you win ova dem, dat stay agains you.” So dey go down wit him, an take ova da Jordan Riva, wea da peopo cross um fo go Moab. Dey no let nobody cross um.

Local Leadas 7:10

If you sked fo attack um, den go down wit Purah, yoa helpa guy,

Local Leadas 7:8

So Gideon tell da odda guys go back dea place. But he keep da three hundred guys wit him. An dey take ova da food an da sheep horn trumpets from da odda guys. Da camp fo da Midian guys stay mo low den Gideon, da bottom a da valley.

1 Samuel 14:8

Jonathan tell, “Kay den! We go ova dea nea da guys an let dem see us.

1 Samuel 23:4

So David go aks Da One In Charge bout da plan one mo time. Dis time Da One In Charge tell um, “Go down Keilah side, cuz I goin give you da powa fo win ova da Filisha guys.”