Local Leadas 7:5 - Hawaii Pidgin Bible

⁵ So Gideon take da guys down by da watta. Ova dea Da One In Charge tell him, “Split da guys dat lick da watta wit dea tongue jalike one dog, from da guys dat go down on top dea knees fo drink.”

Local Leadas 7:5 ပူးပေါင်းရင်းမြစ်များ

1 Kings 17:13

Elijah tell her, “Eh, no sked! Go home. Make da bread jalike you wen tell you goin do. But da firs ting I like you fo do, go make one small roun bread from wat you get fo me. Bring um out hea. Den, make da res fo you an yoa boy.

Songs 110:7

But wen da king come back, He goin drink watta from one stream Nea da road, Den he goin stan up strait Fo show he da winna!

Local Leadas 7:4

But Da One In Charge tell Gideon, “Still yet, get mo plenny army guys den you need. Take um down by da watta. I goin make one tes fo dem ova dea. If I tell, ‘Dis one goin go wit you,’ den he goin go. But if I tell, ‘Dis one no goin go wit you,’ den he not goin go.”

Local Leadas 7:6

Get three hundred guys get watta in dea hands an lick wit dea tongue jalike one dog. All da odda guys go down on top dea knees fo drink.