Local Leadas 7:16 - Hawaii Pidgin Bible

¹⁶ Gideon split da three hundred guys in three. He give erybody sheep horn trumpets an empty clay jars wit torches inside.

Local Leadas 7:16 ပူးပေါင်းရင်းမြစ်များ

Start 14:15

Nite time, Abram tell his guys fo split up fo go afta da Babylon guys, fo dem wack um from ery side same time. Abram guys bus up da Babylon guys real good, an chase um all da way Hobah side (dass da odda side a Damascus town).

2 Samuel 18:2

David broke up his army in three parts. David nephew Joab stay in charge a one part, Joab braddah Abishai in charge a one part, an Ittai da guy from Gat town in charge a one part. David tell da army guys, “I goin march out wit you guys.”

2 Corint 4:7

Us guys get plenny rich kine stuff from God inside us, no matta us jus regula kine peopo. Dass fo show dat da fo real powa come from God, an az not from us guys. Dass jalike wen somebody get rich kine stuff inside cheap kine dishes.

Local Leadas 7:15

Wen Gideon hear da dream, an wat dat mean, he go down in front God. He go back by da Israel camp, an yell, “Get up! Cuz Da One In Charge goin make you guys win ova da Midian guys!”

Local Leadas 7:17

He tell, “Watch me! Do wat I goin do! Wen I come by da edge a da camp, make jalike me!”

1 Samuel 11:11

Befo da sun come up da nex day, Saul split his guys fo make three armies. Wen still nite time, befo come light even litto bit, dey broke inside da Ammon guys camp, an kill dem till da day come hot. An da Ammon guys dat still stay alive, dey scatta dem all ova da place fo no find even two Ammon guys togedda.