Local Leadas 7:12 - Hawaii Pidgin Bible

¹² Da Midian guys, da Amalek guys, an da odda guys from da east side wen stay inside da valley. Dey get plenny guys, jalike locust kine grasshoppas. No can count dea camels, jalike no can count da sand on top da beach.

Local Leadas 7:12 ပူးပေါင်းရင်းမြစ်များ

1 Kings 20:27

Da Israel guys, dey come togedda too, an make ready enuff food fo da fight. Den dey go Afek side fo fight da Aram army guys. On one side, da Israel guys make camp two place, but dey no mo plenny guys. Dey look jalike two small bunch goats ova dea. Da odda side, da Aram guys make camp all ova da land, an dey get plenny guys.

1 Kings 4:30

Dass how King Solomon know wat fo do, mo betta den all da smart guys dat live da east side, an all da Egypt smart guys.

Songs 3:1

Eh God! Get real plenny peopo dat stay agains me! Get choke peopo dat attack me.

Songs 33:16

Jus cuz one king get plenny army guys, Dat no mean he goin get outa trouble. Jus cuz one army guy real strong, Dat no mean da guy goin win da war.

Jeremiah 46:23

Da Egypt peopo, dey jalike one fores Wit real plenny trees fo no go thru dea. But da army dat stay come, Dey goin cut down all da trees. Dat army get plenny guys, Jalike wen da locust kine grasshoppas come. No can count dem.

Joshua 11:4

All dose king guys come out wit all dea plenny army guys an plenny horses an war wagons. Dey real plenny, jalike da sand on top da beach.

Local Leadas 6:3

Weneva da Israel peopo plant food, da Midian peopo, da Amalek peopo, an odda peopos from da east side attack da Israel land.

Local Leadas 6:33

Dat time, all da Midian peopo, da Amalek peopo, an da odda peopos from da east side go togedda, an cross da Jordan Riva. Dey make camp inside da Jezreel Valley.

Local Leadas 6:5

Dey come wit dea animals an tents ova dea, jalike wen get real plenny locust kine grasshoppas. No can count da Midian guys an dea camels. Dey attack da land fo wase um.

Local Leadas 7:13

Gideon come jus wen one guy tell his fren bout one dream. He tell, “You know wat? I get one dream. One roun barley bread come rolling down da hill inside da Midian camp, turn dis side an dat side. Go come all da way to dis tent, an wack um wit plenny powa, so da tent huli an fall down!”

Local Leadas 8:10

Dat time Zebah an Zalmunna stay inside Karkor wit ony bout 15,000 army guys in dea camp. Az was all da guys dat still stay alive from da east side peopos, afta 120,000 guys wit swords wen mahke awready.

1 Samuel 13:5

Da Filisha guys come togedda too fo fight da Israel guys, wit three tousan war wagon, six tousan guys dat ride horse, an choke plenny infantry guys, jalike da sand on top da beach. Dey go up an make camp Mikmash side, from Bet-Aven on da east side.

1 Samuel 30:17

David an his army guys attack da Amalek guys wen litto mo ready fo come light da nex morning. Dey stay fight um till afta da sun go down dat day. Ony four hundred young guys get away on top da camels. No moa no odda guys get away,