Local Leadas 5:8 - Hawaii Pidgin Bible

⁸ Befo time, wen da peopo pick new gods, Den get war in front da gates fo da big town, But no mo shield o spear Fo 40,000 Israel guys.

Local Leadas 5:8 ပူးပေါင်းရင်းမြစ်များ

Jeremiah 19:4

Az cuz da peopo wen bag from me. Dey make dis landfill come one place fo da gods from odda places. Dey burn sacrifice ova hea fo da idol kine gods dat dey neva know befo time. Dea ancesta guys an da Judah kings neva know dose gods befo time too. An dis da place dey wen kill plenny peopo dat neva do notting wrong.

Local Leadas 2:12

Dey bag from Da One In Charge, da God fo dea ancesta guys dat wen bring dem outa Egypt. Dey stay tight wit odda gods an go down in front um, da gods fo da peopos dat live aroun dem. Dey make Da One In Charge come huhu

Local Leadas 2:17

But still yet dey no lissen dea local leada guys. Dey fool aroun wit da odda gods, an go down in front dem. Dey no make jalike dea faddahs, but real fas dey tell “Laytas” to da way dea faddahs wen live, cuz dea faddahs wen lissen wat Da One In Charge tell um fo do.

Local Leadas 4:3

Jabin get nine hundred iron war wagons. He put mean kine presha on top da Israel peopo fo twenny year. So dey yell to Da One In Charge fo help dem.

Local Leadas 5:11

Tink bout wat da guys tell, dat share da watta Wen dey stay nea da watta places. Dey tell how Da One In Charge erytime do wass right, An how da peopo from da small towns Israel side do wass right. “Den da peopo dat stay tight wit Da One In Charge Go down by da gates fo da big town. Dey tell:

Local Leadas 5:7

Inside da small towns, no mo nobody go outside, Till me, Deborah, go in front dem, Jalike I one muddah fo da Israel peopo.