Local Leadas 5:6 - Hawaii Pidgin Bible

⁶ “Da time Shamgar, Anat boy, stay alive, Da time Jael stay alive, nobody walk on top da roads. Da peopo dat go odda place, Dey use da small paths dat go aroun.

Local Leadas 5:6 ပူးပေါင်းရင်းမြစ်များ

Isaiah 33:8

Nobody stay go on top da big roads no moa. Da guys dat befo time stay go all ova, Now dey no go. Az cuz da Assyria guys wen make one deal, An den dey broke um. Dey ack jalike all da big towns notting. Dey no mo respeck fo nobody.

Local Leadas 3:31

Afta Ehud, get Shamgar, Anat boy. He kill six hundred Filisha guys wit one stick fo poke da cows. So he get da Israel peopo outa trouble too.

Sad Song 1:4

Da roads dat go Mount Zion, jalike dey stay sad, Cuz no mo nobody go da spesho religious ceremonies. All da town gates, no mo nobody dea. Da pries guys moan. Da young wahines stay sad, Jalike Mount Zion stay suffa plenny.

Prieses 26:22

I goin sen wild kine animals agains you guys. Dey goin kill yoa kids, an wipe out yoa cows. Dey goin make you guys come ony litto bit peopo, den no mo nobody goin walk on top da roads inside yoa land.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Sad Song 4:18

Guys hunt us wea eva we go. Fo us no walk inside oua open squares. Us no mo plenny time fo stay alive. Us goin mahke real fas.

Songs 125:5

Da peopo dat go da wrong way An do crooked kine stuff, I like fo Da One In Charge Throw dem out, Same time he kick out da odda peopo Dat do bad kine stuff. But fo da Israel peopo, I like eryting go good fo dem!

2 Records 15:5

Da times wen da Israel peopo get presha, not safe fo travel, cuz can get hurt. No matta wat country you go, da peopo stay all jam up.

Local Leadas 5:7

Inside da small towns, no mo nobody go outside, Till me, Deborah, go in front dem, Jalike I one muddah fo da Israel peopo.

Jeremiah 6:25

No go out inside da fields. No walk on top da roads. Cuz da guys dat come fo fight you get swords. Dey stay come from ery side, so stay real sked!