Local Leadas 4:1 - Hawaii Pidgin Bible

¹ Afta Ehud mahke, da Israel peopo do bad kine stuff one mo time, da way Da One In Charge see um.

Local Leadas 4:1 ပူးပေါင်းရင်းမြစ်များ

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Hebrews 11:32

So, I gotta show mo proof, o wat? No mo time fo tell eryting bout da guys Gideon, Barak, Samson, Jeftah, David, Samuel, an da odda guys dat talk fo God befo time.

Hebrews 11:33

All dem guys wen trus God. Dass how dey wen fight an win agains da odda kings an dea countries. Dey do wass right fo help da peopo. Dey get da stuff dat God wen promise dem. Dey fight an win agains lions.

Local Leadas 10:6

One mo time, da Israel peopo do bad kine stuff da way Da One In Charge see um. Dey work fo da Baal gods, da Ashterot gods, da gods fo da Aram peopo, da gods fo da Sidon peopo, da gods fo da Moab peopo, da gods fo da Ammon peopo, an da gods fo da Filisha peopo. Da Israel peopo bag from Da One In Charge, an no work fo him no moa.

Local Leadas 2:11

Den da Israel peopo do bad kine stuff da way Da One In Charge see um, an dey work fo da Baal gods.

Local Leadas 3:12

One mo time da Israel peopo do bad kine stuff, da way God see um. An cuz dey do bad kine stuff, Da One In Charge give Eglon, da king fo Moab, da powa fo win ova da Israel peopo.

Local Leadas 3:7

Da Israel peopo do bad kine stuff da way Da One In Charge see um. Dey foget dea God, Da One In Charge, an dey work fo da Baal gods an da Asherah wahine gods.

Local Leadas 6:1

One mo time da Israel peopo do bad kine stuff da way Da One In Charge see um. So he make da Midian peopo take ova dem fo seven year.