Local Leadas 3:8 - Hawaii Pidgin Bible

⁸ Da One In Charge come real huhu wit da Israel peopo. Az why he turn um ova to Kushan-Rishataim, da king fo Aram-Naharaim, an da Israel peopo work fo him fo eight year.

Local Leadas 3:8 ပူးပေါင်းရင်းမြစ်များ

Start 24:10

Da luna, he take ten camel from da ones da boss get, an all da bestes kine stuffs from his boss fo give gifs fo da wahine ohana. He go ova dea by da Aram peopo Mesopotamia side wit one a da two big rivas one side an da odda big riva da odda side. He go da town wea Abraham braddah Nahor live befo time.

Songs 106:41

Dass how come Da One In Charge Wen let da odda nations Take ova dem, Az why dey gotta do wat da peopo Dat hate dem tell um fo do.

Songs 129:1

All you Israel peopo, tell dis to erybody: “From da time us guys Come one nation, All da time Peopo presha us guys plenny!”

Songs 44:12

Jalike you wen go sell yoa peopo Even fo cheap, Jalike you neva Make money from dem.

Songs 6:1

Eh! You Da One In Charge! No scold me wen you stay huhu! No punish me wen you stay mad!

Songs 85:3

Now you no stay huhu Wit us guys no moa. You pau go afta us Jalike you still mad.

Outa Egypt 22:24

I had it wit wat you guys stay do to dem. Jalike wen one fire come one big fire, I goin go afta you guys an make odda peopo kill you guys wit swords. Den you guys wifes goin come widows, an yoa kids no goin get dea muddah an faddah.

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Habakkuk 3:7

I see da tents Kushan side. Da peopo dat live dea stay bum out. I see da peopo from Midian stay sked an shaking.

Rome 7:14

We know dat da Rules come from da Good An Spesho Spirit. But me, I live jalike I one slave fo ony do bad kine stuff.

Rules Secon Time 29:20

Da One In Charge fo shua no goin let dat kine guy go. Da One In Charge tell ‘Laytas’ to dat kine stuff. All da bad kine stuff dis book tell goin happen to dat kine guy, an Da One In Charge goin hemo his name from unda da sky.

Rules Secon Time 32:30

Dey no tink how come one army guy Make one tousan Israel army guys run away! O how come two a dea army guys Make ten tousan Israel army guys run away! Ony one way dat can happen! Gotta be, Da One In Charge bag from dem! Da One dat befo time stay strong Jalike one Rock fo dem, But now, he give up on dem!

Local Leadas 2:14

Da One In Charge stay huhu wit da Israel peopo. So he let some steala guys go rip dem off. Az jalike he sell dem to da peopo dat live all aroun dem an hate dem. Da Israel peopo no mo da powa fo stop da steala guys.

Local Leadas 2:20

Az why Da One In Charge come real huhu wit da Israel peopo. He tell, “Cuz dis peopo go make any kine agains da deal I wen make wit dea ancesta guys, an dey no lissen wat I tell um,

Local Leadas 3:10

God Spirit take charge a Otniel, so he come da local leada guy fo da Israel peopo, an lead dem fo fight. Da One In Charge give him da powa fo win ova Kushan-Rishataim, da Aram king.

Local Leadas 3:7

Da Israel peopo do bad kine stuff da way Da One In Charge see um. Dey foget dea God, Da One In Charge, an dey work fo da Baal gods an da Asherah wahine gods.

Local Leadas 3:9

But wen dey yell to Da One In Charge fo help dem, he give um one guy fo get dem outa trouble: az Otniel, Kenaz boy, Caleb younga braddah. Otniel get dem outa trouble.

Local Leadas 4:9

Deborah tell, “Kay den. Fo shua, I go wit you. But cuz a da manini way you talk bout going, da peopo no goin tink you awesome. Cuz Da One In Charge goin make one wahine win ova Sisera!” So Deborah go wit Barak Kedesh side.

1 Samuel 12:9

“But dey wen foget dea God, Da One In Charge! Az why jalike he wen sell dem out to Sisera, da main guy in charge a da Hazor army guys. An jalike he wen sell dem out to da Filisha guys an da Moab king. All dem fight da Israel guys.