Local Leadas 17:2 - Hawaii Pidgin Bible

² Micah tell his muddah, “Somebody steal twenny-eight poun silva from you. You put kahuna on top whoeva wen take um, an I wen hear bout um from you. Look! I get da silva hea. I da one wen cockaroach um.” Den his muddah tell, “I like fo Da One In Charge do good tings fo you, my boy.”

Local Leadas 17:2 ပူးပေါင်းရင်းမြစ်များ

Start 14:19

Melkizedek tell God, “You, da God Dass Mo Importan Den All Da Odda Gods! I like fo you do plenny good tings fo Abram. Cuz you da One dat wen make da sky an da world.

Nehemiah 13:25

I tell dem fo real kine, “Az wrong!” I tell dem off. I bus um up. I even pull out da hair from some a da guys! Den I make dem make one strong promise an aks God fo wipe dem out if dey no do wat dey tell dey goin do. Dis da promise: “You guys no goin let yoa daughtahs marry da guys from da odda peopos. You no goin marry da wahines from da odda peopos, an you no goin let yoa boys marry dem.

Songs 10:3

Cuz dem bad guys talk big Bout da bad tings dey like do. Dey talk real good Bout da ones dat take stuff away from odda peopo, Same time, dey talk pilau bout Da One In Charge, Jalike he no mean notting.

Outa Egypt 20:7

“No go use my name an ack jalike dat give you da right fo do any kine stuff. Cuz me Da One In Charge, an anybody use my name fo do any kine stuff, no way I goin let dem go an no punish um.

Smart Guys 28:24

Whoeva go steal from dea faddah o muddah An tell, “Az all right, Wat I wen do, no goin bodda dem!” He jalike da guys Dat stay kill odda peopo!

Jeremiah 48:10

“I like fo Da One In Charge put kahuna On top anybody dat tell dey work fo Da One In Charge, But dey ony stay do um half-ass kine! An I like fo him put kahuna On top anybody dat tell dey goin fight fo Da One In Charge, But dey no stay use dea sword fo make peopo bleed!

Matthew 26:74

Peter swear plenny, an den he tell, “I like fo God punish me if I no tell you da trut. I donno who him!” Right den an dea, da roosta crow.

Rome 9:3

I like my peopo, da Jews, come tight wit Christ too. Mo betta God punish me, not dem, an cut me loose from Christ, fo my peopo come tight wit Christ.

1 Corint 16:22

Anybody dat no mo love an aloha fo Da One In Charge, dey goin get punish fo shua! “Marana Tha!” You know wat dat mean? “Eh, Boss! Come back!”

Rules Secon Time 27:16

“Den da Levi guys goin tell: ‘God goin punish anybody dat no mo respeck fo dea faddah an muddah!’ “An all da peopo goin tell, ‘Az right!’

2 John 1:11

Cuz da guy dat tell him “Aloha,” he stay do da same kine bad stuff dat da bulaia guy stay do.

Local Leadas 17:1

Get one guy Micah, from da up country Efraim land,

Local Leadas 17:3

He give back da twenny-eight poun silva to his muddah. She tell, “Now I make one strong promise fo give dis silva to Da One In Charge. Den I goin turn da silva ova to my boy, fo him make one idol, da kine peopo carve, an anodda idol, da kine peopo melt metal fo make um. I goin give da silva back to you.”

Local Leadas 5:23

Da angel messenja guy from Da One In Charge tell, ‘Put kahuna on top da Meroz peopo! No give um chance! Cuz dey no come fo help Da One In Charge agains da strong guys.’

Ruth 3:10

Dat blow Boaz mind. He tell, “Eh Ruth! Da One In Charge, he do plenny good tings fo you! You wen do good too, cuz you stay tight wit yoa mahke husban ohana wen you come hea. An da ting you stay do right now, show mo plenny still yet dat you get respeck fo da ohana, cuz you no stay try fo marry one a da younga guys, no matta dey rich o no mo notting!

1 Samuel 14:24

Dat same day, da Israel army guys get even mo presha, cuz Saul make dem make one strong promise to him. He tell, “I goin put one kahuna on top anybody dat go eat food today! Cuz firs, I gotta pay back da buggahs dat stay agains me befo da sun go down! Afta dat, den you can eat.” Az why nobody eat notting dat day cuz was kapu.

1 Samuel 14:28

One a da army guys tell um, “Yoa faddah make us army guys make one strong promise. He tell, ‘I goin put one kahuna on top anybody dat go eat food today! Cuz firs, I gotta pay back da buggahs dat stay agains me! An I goin pay um back befo da sun go down! Afta dat, den you can eat.’ Az why now all us guys stay wasted!”

1 Samuel 15:13

Samuel go from dea, an wen he catch up Saul, Saul tell, “I like Da One In Charge do good kine stuff fo you! I wen do eryting Da One In Charge wen tell me fo do, aah?!”

1 Samuel 23:21

Saul tell, “I like Da One In Charge do good fo you guys cuz you kea bout me!

1 Samuel 26:19

Now, you da king, an you my boss. Az why I like you fo lissen wat I goin tell you. If Da One In Charge da One stay make you come agains me, den I goin make one sacrifice fo Da One In Charge, fo him smell um an know eryting stay good wit me an him, an den he no stay agains me no moa. But if all dis huhu jus come from peopo, I like Da One In Charge make shua dose buggahs get kahuna on top dem! Cuz wat get right now, is dis—dey wen throw me outa my land. Az why now, I no mo da right fo own my share dat Da One In Charge was suppose to give me! Jalike dey stay tell me, ‘Go way! Beat it! Go by da odda peopos an pray to dea gods, not oua God!’