Local Leadas 1:3 - Hawaii Pidgin Bible

³ Da Judah ohana guys tell dea braddahs, da Simeon ohana guys, “Go wit us inside da land Da One In Charge wen give us guys, da time all us guys wen pull straw fo show wat land we get. We goin fight da Canaan peopo dat still stay ova dea. Den we goin go wit you guys to da land God wen give you guys, pull straw time.” An da Simeon guys go wit dem.

Local Leadas 1:3 ပူးပေါင်းရင်းမြစ်များ

Start 29:33

Leah come hapai one mo time an get anodda bebe boy. She tell, “Dis cuz Da One In Charge know dat my husban no like me. Dass why Da One In Charge give me dis bebe too.” She call um Simeon, cuz soun kinda like “somebody dat lissen,” dea language.

2 Samuel 10:11

Joab tell, “If da Aram guys stay too strong fo me, den you come fo help me. But if da Ammon guys stay too strong fo you, den I goin come help you.

Joshua 19:1

Da numba two land come fo da small ohanas inside da Simeon ohana. Dea land was inside da Judah ohana land.

Jesus Show 7:7

From da Simeon ohana, 12,000 get God mark. From da Levi ohana, 12,000 get God mark. From da Issakar ohana, 12,000 get God mark.

Local Leadas 1:17

Den da Judah guys go wit da Simeon guys, dea braddahs, an go afta da Canaan peopo inside Zefat. Dey wipe out all dat town. Az why dey call um Hormah now.

Local Leadas 1:2

Da One In Charge tell, “Da Judah ohana goin go. I goin turn da land ova to dem.”

Local Leadas 1:4

Wen da Judah guys attack da Canaan guys, Da One In Charge make dem win ova da Canaan peopo an da Periz peopo. So dey kill 10,000 guys Bezek side.