Local Leadas 1:1 - Hawaii Pidgin Bible

¹ Dis wat happen afta Joshua mahke: Da Israel peopo aks Da One In Charge, “Who goin be da firs ohana fo go fight fo us guys agains da Canaan peopo?”

Local Leadas 1:1 ပူးပေါင်းရင်းမြစ်များ

1 Kings 22:5

But Jehoshafat tell Ahab dis: “Firs ting, us guys gotta aks Da One In Charge if az good fo go make war, o not.”

Outa Egypt 18:15

Moses tell his faddah-in-law, “Da peopo, dey come by me fo find out wat God like dem fo do.

Outa Egypt 28:30

“Put da Urim an da Tumim inside da ches piece da pries guy use wen he gotta know wat fo do. Erytime Aaron go in front Da One In Charge, da Urim an da Tumim goin be dea, ova his heart. So wen Aaron gotta find out wat da Israel peopo gotta do, he goin get da tings he need fo find out, right dea ova his heart, all da time.

Census 27:21

Joshua goin stan in front Eleazar da pries guy. Eleazar goin use da Urim in front me, Da One In Charge, fo aks me wat I tell Joshua gotta do. Wen Joshua tell dem, him an all da Israel peopo goin go outside togedda, an wen Joshua tell dem, dey all goin come back inside togedda.”

Local Leadas 1:27

But da Manasseh ohana neva push out da peopo inside Bet-Shan, o Taanak, o Dor, o Ibleam, o Megiddo, an da towns aroun um. Az cuz da Canaan peopo ova dea make up dea mind dey goin stay ova dea.

Local Leadas 2:21

I no goin push out da res a da peopos in front dem, da ones dat still stay inside da land wen Joshua mahke.

Local Leadas 2:8

Joshua, Nun boy, da guy dat work fo Da One In Charge, he mahke wen he one hundred ten year ol.

Local Leadas 2:9

Dey bury him inside da land he get fo his property, Timnat Heres, up country Efraim side, north a Mount Gaash.

Local Leadas 20:18

Da Israel guys go up to Bethel, an aks God fo tell um, “From us guys, who goin go firs fo fight da Benjamin guys?” Da One In Charge tell um, “Da Judah guys go firs.”

Local Leadas 20:23

Da Israel guys go up an cry in front Da One In Charge till almos dark. Dey aks Da One In Charge fo tell um, “We goin go agains oua braddahs one mo time, da Benjamin guys?” Da One In Charge tell dem, “Go agains dem.”

Local Leadas 20:27

An da Israel peopo aks Da One In Charge wat fo do. (Dat time, Da Box Fo No Foget Da Deal wit God stay Bethel side,

Local Leadas 20:28

an Eleazar boy Finehas, Aaron grankid, work in front da Box.) Dey aks, “We goin go up fo fight oua braddahs one mo time, da Benjamin guys, o wat?” Da One In Charge tell, “Go! Cuz tomorra I goin make you guys win ova dem.”

1 Samuel 10:22

So dey aks Da One In Charge one mo time, “Dat guy come hea yet?” Da One In Charge tell, “Yeah, he stay. He wen hide ova dea wea da peopo put dea stuffs.”