Jude 1:8 - Hawaii Pidgin Bible

⁸ Same ting wit dem sneaky buggahs nowdays! Dey tell dat az okay fo dem do bad kine stuff wit dea body, jus cuz dey wen dream about um. Dey make deaf ear to da ones dat get da right fo be in charge a dem. An dey talk bad bout all da awesome angel guys.

Jude 1:8 ပူးပေါင်းရင်းမြစ်များ

Start 3:5

But God ony tell dat, cuz he know, da same time you guys go eat da fruit from dat tree, jalike yoa eyes goin come open an you goin undastan stuff. You guys goin come jalike God! You goin undastan wass good an wass bad!”

Outa Egypt 22:28

You betta not tell bad tings bout me, yoa God. You betta not tell me, yoa God, fo put kahuna on top da leadas fo yoa peopo.

Smart Guys 30:11

Get da kine peopo Dat tell God fo hurt dea faddah An no tell God fo do good tings fo dea muddah.

Smart Guys 30:17

Da kine guys dat make fun a dea faddah An tink dey big, dey no need do wat dea muddah tell um fo do, Da crow birds dat live inside da valley Goin poke out dea eye, An da scavenja birds goin eat dea mahke body.

Teacha 10:20

No even tink fo put kahuna on top da king, even inside yoa head. No put kahuna on top da rich guys, even inside yoa bedroom. Cuz maybe one bird goin carry yoa word An tell dem wat you wen tell.

Census 16:3

Dey come togedda fo go agains Moses an Aaron. Dey tell Moses an Aaron, “You two guys stay making tantaran! All da peopo stay spesho fo Da One In Charge, an he stay wit dem. How come you guys make jalike you mo importan den da peopo dat Da One In Charge bring togedda?!”

Luke 11:25

Wen he go dea, da guy stay clean inside, jalike wen you sweep one house an fix um up.

Luke 12:11

“Wen dey bring you guys in front da Jew church peopo, o in front da leada guys, o da guys dat get plenny powa, no worry wat you goin tell.

Luke 19:14

But da peopo hate da alii guy, an dey sen guys to da odda place fo tell, ‘We no like dis guy fo come oua king.’

Jesus Guys 23:5

Paul tell, “Braddahs, I neva know he da Main Pries Guy. Da Bible tell, ‘No talk bad bout da leada fo yoa peopo.’ ”

Jesus Guys 7:27

But da guy dat stay bus up da odda guy push Moses away an tell, ‘Eh, who you tink you? Who make you da leada guy an da judge fo us?

Jesus Guys 7:39

“But oua ancesta guys neva like do wat Moses tell um fo do. Inside dey like kick um out an go back Egypt side.

1 Corint 3:17

If anybody jam up God temple wea he stay, watch out, brah! Bumbye God goin mess you up too! Cuz God temple stay spesho fo him. An you guys, jalike dat temple!

1 Tessalonika 4:8

So den, da guy dat tell “Laytas” to all dis stuff I stay tell you guys, az not jalike he tell “Laytas” to one guy, he tell “Laytas” to God! An God da One put his Spirit in charge a you guys. Dass da Spirit dat make you guys go all out fo God.

1 Timoty 1:10

Get da Rules From God fo da peopo dat go fool aroun, fo da mahus, fo da peopo dat steal peopo fo make um slaves, da bulaia peopo, da peopo dat bulai in front da judge, an any odda kine stuff dat stay agains da true teaching. Dass why us need da Rules From God.

Hebrews 13:17

Wen yoa leada guys tell you guys fo do someting, lissen dem, an do wat dey tell you fo do. Dey erytime try fo take kea you guys, day time an nite time, cuz dey know dat dey gotta show God dat dey stay do one good job lidat. Lissen dem, fo dem stay good inside, an no come bum out. Cuz if dey stay bum out, dat no goin help you guys notting.

1 Peter 2:17

Get respeck fo erybody. Get love an aloha fo yoa braddahs an sistahs dat trus Christ. Get plenny respeck fo God. An get plenny respeck fo da king.