Jude 1:5 - Hawaii Pidgin Bible

⁵ I figga lidis: I know you guys know all dat stuff awready. But I like make you guys tink bout da time Da One In Charge wen take da peopo outa Egypt, so no mo nobody can make um go back eva. Den afta dat, he wen wipe out da peopo dat neva trus him.

Jude 1:5 ပူးပေါင်းရင်းမြစ်များ

Songs 106:26

Den God put up his hand An make one strong promise Dat he goin make dem all Fall down an mahke, Ova dea inside da boonies.

Outa Egypt 12:51

Dat same day, Da One In Charge take da Israel peopo outa da Egypt land, jalike dey one army.

Rome 15:15

I no shame fo write you guys dese tings, cuz az fo help you guys no foget dem one mo time. I do dis cuz God like do plenny good kine stuff fo me.

Rules Secon Time 1:32

“No matta oua God, dass Da One In Charge a us, do all dat, still yet you guys no trus him.

Hebrews 3:16

Who da peopo dat wen hear all dis an go agains Moses, afta dey hear wat Moses tell? Dass all da peopo dat Moses wen bring outa Egypt.

2 Peter 3:1

Eh, my good frenz, dis my numba two letta to you guys. Dis time an befo time, I write dis fo help you guys no foget all dis stuff. Az cuz I like you guys tink ony bout da bestes kine stuff dat show you fo real.

1 John 2:20

But you guys, you wen get powa from da Good An Spesho Spirit from God. Az how you guys all know wass true.

1 John 2:21

I stay write to you guys cuz you awready know wass true. You guys know dat if somebody bulai you, dass cuz dey no like you know wass true, aah?