Jude 1:19 - Hawaii Pidgin Bible

¹⁹ Dose guys come by you guys an make you go agains each odda fo split you guys up. Dey no mo God Spirit inside, ony dea spirit.

Jude 1:19 ပူးပေါင်းရင်းမြစ်များ

Smart Guys 18:1

Da kine guy dat no like somebody tell him wat fo do Look ony fo da kine stuff he like. He no make um so notting bodda him Wen you talk to him bout wass smart fo him do.

Isaiah 65:5

Dey tell, ‘Da One In Charge! No come nea me, stay ova dea, Cuz I wen make spesho fo my gods, An you no stay spesho fo my gods!’ Me, Da One In Charge, dat kine peopo make me mad, Jalike smoke inside my nose, Jalike one fire dat stay burn all day.

Ezekiel 14:7

Cuz maybe get Israel guys o guys from anodda place dat live inside da Israel land dat bag from me. An maybe dey tink ony bout dea idol kine gods, an like do da kine stuff dat bumbye goin make dem do wass wrong. An den maybe dey go by one guy dat talk fo me fo find out wass good fo dem do. Kay den, goin be me, Da One In Charge, dat goin do someting bout dem.

Hosea 4:14

I no goin punish yoa girls Wen dey fool aroun fo money, O yoa daughtah-in-laws Wen dey fool aroun behind dea husban back. Cuz dea guys do da same ting, Dey fool aroun da hoaz too, An make sacrifice wit da hoaz Dat fool aroun inside da temple Fo da idol kine gods. Da peopo no undastan. Az why dey goin come all wipe out!

Hosea 9:10

Da One In Charge tell: “Was nice, firs time wen I wen find da Israel peopo! Az jalike wen you find grapes inside da boonies. Wen I see yoa ancesta guys, Az jalike I wen find da firs ripe fruits on top one fig tree. But wen dey wen come Baal-Peor, Dey go all out fo dat shame kine idol god ova dea. Dey come shame jalike da idol dey love.

Rome 8:9

But fo you guys, da way you wen live befo time, wen you live fo ony you, make shua da ol way no control you guys no moa. Cuz God Spirit live inside you, you guys get da powa fo do da kine stuff God Spirit like you fo do. If somebody no mo Christ Spirit inside him, dat guy not one Christ Guy.

1 Corint 2:14

Dass why, if get one guy dat no mo God Spirit in charge a him, but ony da spirit dat da peopo inside da world get, dat guy no goin lissen da stuff dat come from God Spirit. He goin figga, “Az wase time!” No way da guy goin undastan. Gotta stay tight wit God Spirit fo figga out if dat kine stuff stay true.

1 Corint 6:19

How come you guys ack jalike you donno dat yoa body jalike one temple fo da Good An Spesho Spirit? God Spirit live inside you guys. God da One give his Spirit to you guys. Dass how come you guys not da boss fo yoa body.

Hebrews 10:25

No stop come togedda fo meet each odda, jalike some peopo no meet each odda no moa. Mo betta dis: give each odda good kine words, an do um even mo plenny cuz you guys know dat Jesus, Da One In Charge, goin come back real fas.

James 3:15

You guys tell you smart, but you guys no get yoa smarts from God in da sky, you get um from dis jam up world. Dat kine smarts no come from God Spirit, come from you, come from da bad kine spirits.