Jonah 4:3 - Hawaii Pidgin Bible

³ You, you Da One In Charge! Kill me now, cuz mo betta I mahke den stay alive!”

Jonah 4:3 ပူးပေါင်းရင်းမြစ်များ

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

Teacha 7:1

If you get one good rep, az mo betta den you get good perfume. Da day you mahke stay mo betta den da day you born.

Teacha 7:9

No come huhu fas, aah?! Cuz dass how da stupid guys stay inside.

Jeremiah 8:3

Da peopo dat stay alive still yet, from dis real bad kine nation, wea eva I make dem go, dey all goin like mahke mo den dey like live!” Az da message from me, Da One In Charge, da God Ova All Da Armies.

Jonah 4:4

But Da One In Charge tell Jonah, “So? You tink dass good fo you stay huhu cuz da Nineveh peopo stay sorry fo da bad kine stuff dey do, o wat?”

Jonah 4:8

Den, da sun come hot. God make one hot wind come from da east side. Da sun shine real strong on top Jonah head, an he litto mo pass out. Jonah tell God, “How come you no jus let me mahke?! Mo betta fo me mahke den stay alive!”

Census 11:15

If dis how you goin make to me, den mo betta kill me right now, if you stay good inside bout me. Cuz I no like see da bad tings dat goin happen to me cuz a wat you make me do!”

Census 20:3

Dey make argue wit Moses. Dey tell, “Mo betta us wen mahke, da time oua braddahs fall down mahke in front Da One In Charge!

1 Corint 9:15

Me, I get da rights fo get all dat, but I neva like do um lidat. I no write dis letta fo make you guys give me stuff. I figga, mo betta I mahke, den let somebody figga dat I no mo da right fo talk lidis.