Jonah 3:8 - Hawaii Pidgin Bible

⁸ Erybody gotta put on burmbag kine clotheses, all da peopo an da animals, fo show dey stay sorry inside. Erybody gotta go all out fo yell to God fo help! Erybody gotta no do bad kine tings! Erybody gotta no hurt odda peopo no moa!

Jonah 3:8 ပူးပေါင်းရင်းမြစ်များ

Job 16:17

But I neva bus up nobody. An wen I pray, I stay clean inside.

Job 36:10

God make dem lissen wen he teach dem How dey gotta change. He tell dem fo tell ‘Laytas’ to da bad stuff.

Isaiah 58:6

“But dis da way I tell gotta be Wen you guys skip food fo pray: Anybody dat stay in jail Cuz da judge wen judge um da wrong way, Get um outa jail! Anybody gotta carry one heavy load Jalike one yoke fo cows fo pull one wagon, Hemo da yoke! Anybody stay suffa cuz dey get plenny presha, Let um go an no make dem come slaves one mo time! Broke up all da yokes!

Isaiah 59:6

Da spida webs dey make, No good fo make clotheses. Nobody can cova dem wit dat. Da kine tings dey do, ony bad kine. Dey like fight an hurt peopo.

Jeremiah 18:11

“Az why you gotta tell all dis to all da Judah peopo an da Jerusalem peopo: ‘Dis da message from Da One In Charge: Watch out! I da One stay make ready all da bad kine stuff goin happen to you guys. I da One stay make one plan agains you guys. All you guys betta not do da bad kine stuff no moa, an betta change how all you guys ack.’

Jeremiah 25:5

Da guys dat talk fo God wen tell dem dis: ‘All you guys gotta change da way you tink! You gotta change an no do bad kine tings no moa! Den you can come back fo live inside da land Da One In Charge wen give you guys an yoa ancesta guys fo real long time.

Jeremiah 26:3

Maybe dey goin lissen, an no do da bad kine stuff all a dem stay do. If dey do dat, I goin change da way I goin make to dem. I goin hold back da bad kine stuff I wen plan fo do to dem cuz a da bad kine stuff dey stay do.

Jeremiah 36:3

Maybe, wen da Judah peopo hear bout all da horraz I plan fo make happen to dem, dey still get chance, all dem guys can tell dey sorry cuz dey wen do bad kine stuff. If fo shua dey sorry, I goin let dem go, an hemo da blame fo all da bad kine stuff dey wen do.”

Ezekiel 33:11

“Tell um, ‘Fo shua az me Da One In Charge, da Boss, tell dis. I stay alive! An fo shua, no ways I stay good inside wen one bad kine guy mahke. Mo betta dey no do no moa da bad kine stuff dey wen do. Den dey goin stay alive fo real kine! No do da bad kine stuff no moa! Run away from all dat! How come you ack jalike you like mahke, you Israel peopo?!’

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”

Joel 1:14

Tell da peopo fo no eat, So dey can pray spesho kine to Da One In Charge. Call dem fo come togedda Spesho kine fo Da One In Charge. Call da older leadas An erybody dat live inside da land. Call dem fo come togedda to da Temple Fo Yoa God Da One In Charge, Fo dem yell to Da One In Charge fo help.

Jonah 1:14

Den dey yell fo help to da god Jonah pray to, Da One In Charge. Dey tell, “Eh God! You Da One In Charge! No let us guys come wipe out jus cuz we gotta kill dis guy! If he neva do one bad ting, an we kill um, try let us guys go! Cuz you Da One In Charge, an was you dat wen make all dis happen, not us guys! So no poin finga us!”

Jonah 1:6

Da captain go by Jonah an yell at him, “Eh! Wassamatta you? How come you stay sleep lidat?! Get up an tell yoa god fo help us! Den maybe yoa god goin tink fo help us guys, o us no wipe out!”

Matthew 3:8

Jalike one fruit tree give same kine fruit, you guys gotta do da kine good stuff dat show you come sorry fo do all da kine bad stuff you stay do, an no do um no moa.

Jesus Guys 26:20

Firs I go by da peopo inside Damascus, an den inside Jerusalem an all ova Judea. An I tell da peopo dass not Jew guys too dat dey gotta come sorry fo all da bad kine stuff dey do, an turn to God. An dey gotta show dat dey sorry fo real kine by da good kine stuff dey stay do.

Jesus Guys 3:19

“So den, you guys gotta change how you tink an no do all da bad kine stuff you stay do befo time. You gotta stay tight wit God. Den he goin hemo yoa shame fo all da bad kine stuff you guys wen do.

Jesus Show 11:3

“Goin get two guys. I goin give dem da powa fo talk fo me fo all dat time. Dey goin put on burmbag kine clotheses fo show dat dey stay cry inside.”