Jonah 3:3 - Hawaii Pidgin Bible

³ So Jonah, right den an dea he go Nineveh, jalike Da One In Charge wen tell um fo do. Nineveh, dass one mangus town, you know. Need three days fo walk all ova da town.

Jonah 3:3 ပူးပေါင်းရင်းမြစ်များ

Start 22:3

Da nex morning, Abraham wake up early an put saddle on top his donkey. Den he chop wood fo burn up da sacrifice, an put um on top da donkey. He start fo go da place God tell um fo go, him an his boy Isaac an two young worka guys.

Start 30:8

Rachel tell, “I wen struggle plenny wit my sistah awready, an now I stay win.” She call dat bebe Naftali, cuz soun kinda like “struggle,” dea language.

Songs 36:6

How you do da right ting erytime— Dass awesome, Jalike da mos big mountains! Da way you tell Wass right an wass wrong Cuz you da judge, Dass deep, Jalike da mos deep ocean! Eh! You Da One In Charge! You stay get peopo an animals Outa trouble.

Songs 80:10

Us guys wen scatta all ova da land, From da mountains south side To da Lebanon mountains, north side, Jalike how da grape plant make shade Ova da mountains south side An da mangus cedar trees Lebanon side.

Isaiah 37:37

Az why Sennakerib, da Assyria king, get outa dea fas an go way. He go back Nineveh town an stay ova dea.

Jonah 1:2

“No wait! Go Nineveh town now, da main town Assyria side. Tell all da peopo ova dea, I know awready all da pilau kine stuff dey stay do.”

Jonah 4:11

“So now, tink bout me. I no like see notting bad happen to da Nineveh peopo! Get mo den hundred twenny tousan peopo ova dea inside Nineveh, you know, an all dea animals. An da peopo dea jalike small kids dat donno notting bout wass right an wass wrong, jalike dey donno wass dea right hand an wass dea lef hand!”

2 Timoty 4:11

Luke, he da ony guy dat stay ova hea wit me. Go get Mark, an bring um ova hea wen you come. He one good helpa fo me, you know.