Jonah 2:2 - Hawaii Pidgin Bible

² He tell: “Wen I presha out to da max, I wen yell out to you, Da One In Charge, fo help me, An you help me. “Wen I stay inside da fish opu Was jalike inside da place wea da mahke peopo stay. I yell fo help, An you wen lissen me. Was jalike I stay inside da middo a da Mahke Peopo Place.

Jonah 2:2 ပူးပေါင်းရင်းမြစ်များ

2 Records 33:12

Manasseh suffa plenny. So den, he go pray to his God, Da One In Charge. He tell God fo help him, an he come notting in front da God fo his ancesta guys.

Songs 116:3

Befo time I feel litto mo I goin mahke, Jalike get tight ropes Stay wrap aroun me. I wen feel jalike da Mahke Peopo Place Come on top me awready. I wen had it, cuz plenny trouble Come to me. An me, I stay sad inside.

Songs 120:1

Da One In Charge, Weneva I get trouble, He da one I yell to fo help me. He lissen, an help me.

Songs 16:10

Cuz you no goin leave me Inside da Mahke Peopo Place. I stay tight wit you, Az why you no goin make me know How stay, inside da grave.

Songs 22:24

Cuz da peopo dat odda peopo put down, Wen dey talk to Da One In Charge, He no treat um jalike dey junk. He no turn aroun an go da odda way. Wen dat kine peopo yell to Da One In Charge fo help um, Da One In Charge, he lissen!” Dass wat I goin tell da peopo.

Songs 34:6

Me, I ony one guy dat no mo notting. I wen yell fo somebody help me. Da One In Charge, he wen hear me! He wen get me outa all kine trouble!

Songs 4:1

Eh God! You da one dat tell, I no mo da blame fo wat I wen do! Wen I yell fo you help me, Lissen an do someting! Wen I presha out, Do good fo me an take away da presha! Show me how you give me chance, An lissen wen I pray!

Songs 61:2

From da mos far place on top dis earth I yell fo you help me Weneva I feel all bum out An weak inside. Show me wea fo go Fo hide on top one big rock Dat stay mo importan den me,

Songs 65:2

You, da one dat lissen wen us guys pray. Az why all da peopo Goin come by you.

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Isaiah 14:9

Da peopo down inside Da Mahke Peopo Place Dey no can wait fo meet you guys Cuz you goin go down dea too. Da spirits a da mahke leada guys from da whole world, Da kings fo all da countries, Dey goin stan up from dea thrones fo meet you guys.

Sad Song 3:55

Da One In Charge, cuz I know wat kine god you, I yell to you fo help me, From da bottom a da deep hole.

Ezekiel 26:20

Den I goin bring you down wit da odda peopo dat go down inside da Deep Dark Hole, wea da peopo dat live long time befo time stay now. I goin make you guys live down inside da earth, in da mos low place, wea eryting all bus up, wit da peopo dat go down inside da Deep Dark Hole. You no goin come back fo live one mo time an get respeck wit da peopo dat stay alive.

Ezekiel 31:14

Az why no goin get anodda tree dat drink plenny watta grow real tall lidat, above da odda trees dat get plenny leaf. Da ones dat drink plenny watta fo come tall, dey all goin mahke an go down inside da groun, wit da odda peopo dat mahke an go down inside da Deep Dark Hole.

Matthew 12:40

Jonah wen stay inside one big fish three day an three nite. Same ting, I Da Fo Real Kine Guy, an I goin stay unda da groun three day an three nite lidat.

Luke 11:10

All da peopo dat go aks, goin get. Da guy dat go look fo someting, he goin find um. An da guy dat go knock da door, da door goin open fo him.

Luke 22:44

Jesus suffa plenny, an pray mo hard. He sweat jalike blood drip down on top da groun.

Jesus Guys 2:27

Cuz God, you no goin let me stay inside Hell, An you no goin let me rot, cuz I stay good an spesho fo you.

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.

1 Samuel 1:16

I no like you tink I good fo notting. I stay pray, cuz fo real, I all hamajang inside. I get plenny stuff dat stay bodda me an bum me out from long time!”

1 Samuel 30:6

David get trouble big time. All da guys stay piss off an huhu inside cuz a dea boys an girls. Dey start fo talk fo throw big rocks at David fo kill um. But David stay tight wit Da One In Charge, his God, an he stay strong inside still yet.