Jonah 1:6 - Hawaii Pidgin Bible

⁶ Da captain go by Jonah an yell at him, “Eh! Wassamatta you? How come you stay sleep lidat?! Get up an tell yoa god fo help us! Den maybe yoa god goin tink fo help us guys, o us no wipe out!”

Jonah 1:6 ပူးပေါင်းရင်းမြစ်များ

2 Samuel 12:22

David tell, “Wen da bebe still stay alive, I skip food fo pray, an I cry cuz I stay figga, ‘I donno. Maybe Da One In Charge goin make nice to me, an da bebe goin stay alive.’

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

Songs 107:6

Da peopo wen yell to Da One In Charge Fo him help dem, Cuz was real hard fo dem, An he get um outa trouble.

Songs 78:34

But afta God kill some a dea peopo, Da ones dat still stay alive Change dea mind. Dey like know God Jalike dey wen know um befo time.

Isaiah 3:15

Wat you guys tink Wen you go smash my peopo, aah?! Da peopo dat no mo notting, How come you go rub dea face inside da dirt, aah?!” Da One In Charge, Da God Ova All Da Armies, Dass wat he tell.

Ezekiel 18:2

“Wat you guys mean wen you talk lidis bout da Israel land: “ ‘Da faddah guys eat sour kine grapes, An da kids make sour face cuz a dat’? Cuz you tink az not fair Punish you guys fo da bad tings Yoa ancesta guys wen do.

Joel 2:11

Da One In Charge make noise jalike da thunda. He lead his army guys, Mo plenny den can count um. Dey strong, an dey do wat he tell um fo do. Da time wen Da One In Charge come fo take ova, Erybody goin stay sked an suffa. No mo nobody can hang in dea.

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Jonah 3:8

Erybody gotta put on burmbag kine clotheses, all da peopo an da animals, fo show dey stay sorry inside. Erybody gotta go all out fo yell to God fo help! Erybody gotta no do bad kine tings! Erybody gotta no hurt odda peopo no moa!

Jonah 3:9

Nobody know if God goin change his mind bumbye. He tell ‘Laytas’ to da kine tings us guys stay do, but maybe he goin show pity an change his mind so us guys no come wipe out!”

Jesus Guys 21:13

Den Paul tell, “How come you stay crying an make me come sad? I stay ready fo get all tie up, an even fo mahke inside Jerusalem, fo show how awesome Da One In Charge stay, az Jesus.”

Rome 13:11

You guys gotta show love an aloha fo erybody cuz you know how eryting stay nowdays. Jalike us guys stay sleeping, but now, time fo wake up awready! God goin hemo us guys from da bad kine stuff dat goin happen, an dat time mo close now den befo time, wen us wen trus Jesus Christ da firs time.

Efesus 5:14

God make da bad kine stuff come good, jalike da light make da dark kine stuff come jalike light too. Get one song dat tell: “Eh, you dat stay sleep, wake up! Go come back alive from mahke! Christ goin be da light fo you.”