John 9:30 - Hawaii Pidgin Bible

³⁰ Da guy tell um, “Aah! Dis blow my mind! You guys donno wea he come from, but still yet he make me see.”

John 9:30 ပူးပေါင်းရင်းမြစ်များ

Songs 119:18

Help me fo see an undastan Da awesome tings you teach Inside yoa Rules.

Isaiah 29:14

Az why I goin do dis awesome ting One mo time fo dis peopo, All plenny kine stuff, ova an ova. All da stuff dat da guys tell Dat know wat fo do erytime, Goin all come wipe out. An all da stuff dat da guys tell Dat undastan stuff, Nobody goin know wat dey know, bumbye.”

Isaiah 29:18

Dat time, da peopo dat no can hear, Dey goin hear wat one roll up paypa tell. Da guys dat no can see, an see ony dark kine stuff now, Dat time dey goin see No matta dark all aroun dem.

Isaiah 35:5

Dat time, da peopo dat no can see, Dey goin see. Da peopo dat no can hear, Dey goin hear.

Matthew 11:5

Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat wen mahke, now dey stay walk aroun. Da peopo dat no mo notting, now dey hear all da Good Kine Stuff From God dat I stay teach um.

Matthew 21:42

Den Jesus tell um, “You guys neva read dis inside da Bible, o wat? bout da stone dass jalike me: “Had one big stone, Da builda guys stay figga, ‘Poho! Dis stone no good!’ An dey throw um out. But dat stone, Dass da corna block Fo make da building strong. Da One In Charge wen do dis, aah? An dis awesome!”

Luke 7:22

Jesus tell um, “Go, tell John wat you guys stay hear an see. Had guys dat no can see, now dey can see. Had guys dat no can walk, now dey can walk. Had guys dat get da lepa kine sick, now dey no mo da sick. Had guys dat no can hear, now dey can hear. Had guys dat wen mahke, now dey alive! Da peopo dat no mo notting, now dey hear all da Good Kine Stuff From God dat I stay teach dem.

John 12:37

No matta Jesus wen do plenny awesome stuff in front da peopo fo show who him, dey still yet no trus him.

John 3:10

Jesus tell him, “You da main teacha fo da Israel peopo, an you no undastan dis stuff?

John 9:29

We know dat God wen talk to Moses. But dis buggah, we donno wea he come from.”

John 9:31

An da guy tell dis too, “Eh! we know dat God no lissen da bad kine guys. But he lissen da guys dat get respeck fo him an do wat he like.”

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.