John 9:29 - Hawaii Pidgin Bible

²⁹ We know dat God wen talk to Moses. But dis buggah, we donno wea he come from.”

John 9:29 ပူးပေါင်းရင်းမြစ်များ

1 Kings 22:27

Tell um, ‘Dis wat da king tell: Put dis guy in jail. Give um ony litto bit jail kine bread an watta, till I come back da winna.’ ”

2 Kings 9:11

Wen Jehu go outa da room an go back by da odda army officer guys dat work fo his boss, one a dem aks, “Eryting stay okay? How come dat guy come hea talk pupule kine to you?” Jehu tell dem, “You guys know wat kine guy dat, an how he talk pupule kine.”

Songs 103:7

Befo time, God let Moses know How he ack fo real kine, He let da Israel peopo know Wat he stay do.

Songs 105:26

God sen Moses, Da guy dat work fo him, An Aaron, da guy God wen pick.

Songs 106:16

Inside dea camp, Dey come all jealous a Moses An Aaron, da guy dat stay spesho Fo Da One In Charge.

Songs 22:6

But me, I one nobody, Jalike I one worm, not one man. Erybody talk bad bout me, Da peopo ack jalike I no good!

Malakai 4:4

“No foget da Rules from my worka guy Moses. I wen teach him wat he gotta do, Mount Sinai side, Fo him teach all da Israel peopo da Rules Fo know wass right an wass wrong.

Census 16:28

Den Moses tell, “Dis how you guys goin know dat Da One In Charge wen sen me fo do all dis stuff. I neva tink fo me do um.

Matthew 12:24

Da Pharisee guys hear dat, an dey tell, “Nah! Az Beelzebul, da Devil. He da leada guy fo da bad kine spirits, you know. He da one give dis guy da powa fo make da spirit let da guy go, az why!”

Matthew 26:61

Dey tell, “Eh, dis buggah wen tell, ‘I can broke down God Temple, an befo three days pau, I goin build um up one mo time.’ ”

Luke 23:2

Dey poin finga Jesus an tell, “Dis guy stay bulai oua peopo! He stay teach dem bad kine stuff. He tell dem no pay tax to King Cesar! He tell dat he da Christ Guy, da Spesho Guy God Wen Sen, an dat he one king.”

John 1:17

Moses wen give oua ancesta guys da Rules From God. Den Jesus Christ, God Spesho Guy, he do plenny good stuff fo us, an eryting he tell us bout God, stay fo real.

John 7:27

But us guys, we know wea dis guy come from. Wen God sen his Spesho Guy Christ, nobody goin know wea he come from.”

John 7:28

Jesus stay teach inside da open lanai fo da Temple. Wen he hear dem guys tell dat, he talk real loud an tell, “You guys tink you know me, an wea I wen come from? I neva come hea jus fo do wat I like do. Da One dat wen sen me, he God fo real kine! You guys donno him.

John 8:14

Jesus tell dem, “No matta I talk fo me, wat I tell stay true. I know wea I stay come from, an wea I stay go. But you guys, you donno wea I stay come from, o wea I goin go.

John 9:16

Den some a da Pharisee guys tell, “Dis guy no can come from God, cuz he do stuff he not suppose to do on da Res Day.” But odda Pharisee guys tell, “Nah! How can one bad kine guy do da kine awesome stuff dat show who him?” An dey make argue wit each odda.

John 9:24

So dey tell da guy dat no stay blind no mo fo come back one mo time. Dey tell, “Eh! Tell da trut in front God! Us guys know fo shua dat dis buggah Jesus, he one bad guy.”

John 9:30

Da guy tell um, “Aah! Dis blow my mind! You guys donno wea he come from, but still yet he make me see.”

Jesus Guys 22:22

Da peopo lissen Paul till he tell dat. Den dey start fo yell, “Kill um! Mo betta he no stay no moa!”

Jesus Guys 26:22

But God help me erytime till now. So I stan hea an talk to da peopo dat importan an da peopo dat not importan. I ony tell da stuff dat Moses an da odda guys dat befo time talk fo God tell goin happen. I no tell odda stuff.

Jesus Guys 7:35

Den Stephen tell dem, “Moses, he da guy dat da Israel peopo wen throw out. Dey tell, ‘Eh, who make you da leada guy an judge ova us guys?’ But Moses, he da one God wen sen fo come dea leada. He da one dat free um up from da bad kine stuff dey stay in cuz dey slaves. Moses da one dat see one angel messenja guy inside da bush dat burn but no burn up. Dat angel help him fo know dat he da one God wen pick.

Rules Secon Time 34:10

From dat time no mo nobody talk fo God da way Moses talk to da Israel peopo. Da One In Charge know Moses, jalike wen one guy stay talk wit his fren.

Hebrews 1:1

Long time befo time, plenny time God sen guys dat talk fo him fo dem talk to oua Hebrew ancesta guys. Dey tell um plenny tings plenny diffren ways.

Hebrews 1:2

But now, wen eryting almos come pau, God sen his Boy fo talk to us guys. His Boy, he da One dat get eryting from his Faddah. Wen God make da world an da sky, was his Boy dat do da work.