John 8:9 - Hawaii Pidgin Bible

⁹ Wen dey hear dat, dey come shame cuz dey know dey do bad kine stuff too. So dey all go way, one afta da odda, da older guys firs, an den da younga guys. Den get ony Jesus an da wahine stay standing dea.

John 8:9 ပူးပေါင်းရင်းမြစ်များ

1 Kings 17:18

She tell Elijah, “You one guy dat know God! How come you go agains me, aah?! Fo shua, you wen come hea fo make me tink bout all da bad kine stuff I wen do, an make my boy mahke!”

1 Kings 2:44

Da King tell Shimei dis too: “Inside, you know all da bad kine stuff you wen do to my faddah King David. Now, Da One In Charge stay bring all dat bad stuff back to you.

Job 20:27

Da sky goin show dat da guys dat rip off stuff get da blame. Da earth goin lif up agains dem.

Job 20:5

Da peopo dat do bad kine stuff, Ony short time dey get fo dance an sing. Da peopo dat ack jalike God no matta, Dey stay good ony fo short time.

Songs 40:14

All da ones dat like kill me, I like dem fall down an come shame. Da ones dat feel good inside Wen someting bad happen to me, I like God make dem plenny shame.

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Songs 71:13

Da ones dat come agains me fo kill me, I like fo dem come plenny shame An come wipe out. Da ones dat stay look Fo how dey goin hurt me, I like fo peopo tell dem Az no good wat dey do, An I like fo nobody Get respeck fo dem.

Teacha 7:22

Cuz you know dat plenny time You wen talk bad bout odda peopo too.

Luke 13:17

Wat he tell wen make all da guys dat stay agains him come shame. But da peopo stay good inside cuz a all da awesome stuff he do.

John 8:10

Jesus stan up one mo time an tell, “Sistah, wea erybody stay? No mo nobody hea fo tell you gotta mahke?”

John 8:12

Jesus talk to da peopo one mo time. He tell, “I jalike da light fo da peopo inside da world. Whoeva come by me an be my guy, dey no goin go aroun inside da dark. Dey goin get da light dat make dem live fo real kine.”

John 8:2

Nex day he go inside da open lanai fo da Temple early. Erybody come wea he stay. Den he sit down dea fo teach dem.

John 8:3

Da guys dat teach da Rules From God an da Pharisee guys wen find one wahine fooling aroun wit one guy behind her husban back. So dey bring her in front Jesus an all da peopo.

John 8:8

Den he bend ova one mo time, an write some mo on top da dirt.

Rome 2:15

How dey ack, dat show dey get da Rules From God right dea inside dem. Inside dey know bout wat dey do wen dey tink wat stay right an wat stay wrong.

Rome 2:22

You tell, “No go fool aroun behind yoa husban o wife back.” But you fool aroun too, aah? You tink da idol kine gods no good. But you cockaroach stuff from dea temples too, aah?

1 John 3:20

But no matta we tink plenny bout da bad kine stuff we wen do. Cuz we know dat God mo big den how us guys feel inside. He know eryting bout us guys!