John 8:59 - Hawaii Pidgin Bible

⁵⁹ Den dem guys go get rocks fo stone Jesus fo kill um. But he hide an go outside from da open lanai fo da Temple.

John 8:59 ပူးပေါင်းရင်းမြစ်များ

Start 19:11

Den da angel guys wack all da guys outside da house, da guys dat not importan an da guys dat importan. Dey wack um wit one real strong light, az why da guys outside no can see notting. Dey give up fo find da door.

Prieses 24:16

Whoeva talk bad bout my name, Da One In Charge, gotta mahke. All da peopo goin throw stone at dem fo kill dem. No matta dey one guy from anodda place dat live wit you guys, o one Israel guy, if dey talk bad bout my name, you guys gotta kill um.

Matthew 12:14

But da Pharisee guys, dey go outside fo make one plan togedda how dey goin kill Jesus.

Luke 24:31

Den dey see fo real kine, an know az him. But right den an dea he disappea.

John 11:54

Az why Jesus no go aroun no mo wea da Jew leada guys can see him. He go one place nea da boonies, Efraim town. He stay ova dea wit da guys he stay teach.

John 11:8

Da guys Jesus stay teach tell him, “Eh, Teacha, ony short time befo dis da Jew guys like throw stone at you fo kill you. An you still like go back ova dea one mo time?”

John 12:36

Right now, I stay hea wit you guys. I jalike da light fo you guys, fo you trus me. Den you guys can come da kine peopo dat know wea dey going cuz dey get da light inside.” Jesus tell dat. Den he go way from da peopo fo nobody stay by him.

John 18:31

Den Pilate tell dem, “Take him den an judge him jalike how yoa Rules tell you gotta do.” Da pries guys tell Pilate, “Us guys no can do dat, cuz us guys no mo da right fo kill nobody da Rome way, on top one cross.”

John 5:13

But da guy dat come good neva know who Jesus, cuz had plenny peopo dea, an Jesus gone awready.

John 9:1

Afta dat Jesus walk aroun, an he spock one guy dat wen born blind.

Jesus Guys 7:57

Den dey yell real loud, an dey cova dea ears, an dey rush him,

1 Samuel 30:6

David get trouble big time. All da guys stay piss off an huhu inside cuz a dea boys an girls. Dey start fo talk fo throw big rocks at David fo kill um. But David stay tight wit Da One In Charge, his God, an he stay strong inside still yet.