John 8:54 - Hawaii Pidgin Bible

⁵⁴ Jesus tell, “If I try make da peopo tink I awesome, dat no good. My Faddah, he da One dat show dem how awesome I stay. An you guys tell dat he yoa God.

John 8:54 ပူးပေါင်းရင်းမြစ်များ

Smart Guys 25:27

Wen one guy ack big head Fo show he importan, Dat show he not importan. Jalike da guy eat mo honey den he need.

Isaiah 66:5

You guys dat stay sked an shaking wen Da One In Charge talk, Lissen wat he tell: “Da odda Israel guys dat hate you guys, Dey no let you guys stay wit dem Cuz you know wat kine god me. Dey make fun a you guys, an tell, ‘Good, you show respeck fo Da One In Charge! We like see you guys stay good inside!’ But dey da ones goin come shame!

Hosea 1:9

Da One In Charge tell, “Give him da name Lo-Ammi. Dat mean, ‘Not my peopo.’ Cuz you guys no goin be my peopo no moa, an I no goin be yoa God no moa.

John 17:1

Afta Jesus tell dat, he look up to da sky an tell, “Faddah, time awready. Now, show da peopo how awesome I stay cuz I yoa Boy, so den I like show dem how awesome you stay.

John 17:5

Faddah, wen I wen stay by you, from befo da time wen we wen make da world, I wen stay awesome jalike you. Now I goin go back by you, an I like you make me awesome, same kine jalike befo time.

John 2:11

Dis ting inside Cana town, Galilee side, dis da firs time Jesus do someting awesome. He show how awesome he stay, an da guys he stay teach trus him.

John 5:41

“I no need peopo fo tell me I awesome.

John 7:18

Da guy dat tell stuff dat come from his head, he ony like make peopo tink he awesome. But if one guy like peopo fo figga dat da one dat sen him stay awesome, dat guy stay tell da trut. He no bulai.

John 7:39

Jesus tell dat bout God Spirit, cuz bumbye da peopo dat trus Jesus goin get God Spirit. Da time Jesus tell dat, dey neva get da Spirit yet, cuz God neva make Jesus come awesome to da max yet.

John 8:41

You guys do da kine stuff dat come from yoa faddah!” Dey tell him, “Eh, us guys ony get one faddah, an he God! No mo anodda guy oua faddah!”

John 8:50

I no try fo make peopo tink I awesome. Get anodda One dat show peopo how awesome I stay, an he da judge.

Jesus Guys 3:13

Da same God dat Abraham, Isaac, an Jacob wen pray to, he da same God dat all oua ancesta guys pray to. He da One make dis guy come good. He da One make Jesus, his helpa guy, come awesome to da max. You guys wen turn ova Jesus fo dem kill um. No matta Pilate like let him go, but den you guys wen tell in front Pilate dat Jesus not da one you guys pick.

2 Corint 10:18

You talk big bout ony you, dat no goin make Da One In Charge tell, “Dis guy get um.” So den, who get um? Da guy Da One In Charge talk good bout, he da one get um!

1 Peter 1:12

Christ Spirit wen show da talka guys dat all dat kine stuff dey stay talk bout no goin happen fo dem, but bumbye goin happen fo you guys. An now you guys hear bout um. Da guys dat wen tell you bout Christ, dey wen tell you cuz da Good An Spesho Spirit from da sky wen help um. An you know, even da angel messenja guys like know mo plenny bout all dis.

1 Peter 1:21

Cuz a wat Christ wen do, you guys can trus God plenny. God wen make Christ come back alive! He make him come awesome to da max! Az why now, God da One you guys stay trus. An him da One you stay wait fo.

2 Peter 1:17

Had one time us guys was wit Jesus, ova dea on top dat mountain dat stay spesho fo God. An God da Faddah wen tell how spesho an awesome Jesus. Dat time, Jesus wen hear one voice dat come outa da Awesome Place up dea inside da sky. God tell, “Dis my Boy! I get love an aloha fo him. He make me feel real good inside!” An us guys wen hear dat voice too dat come outa da sky.