John 8:49 - Hawaii Pidgin Bible

⁴⁹ Jesus tell um, “I no mo one bad kine spirit in charge a me. I show respeck fo my Faddah. But you guys no mo respeck fo me.

John 8:49 ပူးပေါင်းရင်းမြစ်များ

Isaiah 42:21

Fo real, Da One In Charge wen like make da Rules he teach importan an awesome. Dat make him feel good inside An show erybody dat he stay do da right kine ting.

Isaiah 49:3

Da One In Charge wen tell me, “You, da guy dat work fo me, Da Israel guy dass fo real. From da tings you goin do, I goin show erybody how awesome I stay.”

John 11:4

Wen Jesus hear dat, he tell, “Lazarus no goin mahke from dis sick. Dis happen so erybody goin know how awesome God stay. I God Boy, an erybody goin find out from dis how awesome I stay too.”

John 12:28

I tell dis: ‘Faddah, let um happen, so erybody goin know how awesome you stay.’ ” Den one voice from da sky tell, “I wen show dem I stay awesome awready, an I goin show um one mo time.”

John 14:13

Wateva you guys go aks me fo do cuz you my guys, I goin do um. Den erybody can know how awesome my Faddah stay, cuz I his Boy, an I show dem how awesome he stay.

John 17:4

I wen show da peopo hea inside da world how awesome you stay. I wen do all da stuff dat you wen tell me fo do.

John 7:20

All da peopo tell, “Wassamatta you? You get one bad kine spirit in charge a you, o wat? Wat you mean, somebody try fo kill you?”

John 8:29

Da One dat sen me hea, he stay wit me. He no leave me. I erytime do da kine stuff dat he like.”

Jesus Guys 5:41

Jesus guys go way from da main leada guys. An dey stay real good inside cuz God figga dey stay good enuff fo suffa an come shame cuz dey Jesus guys.

1 Corint 11:14

Da way you Corint guys tink, if one guy get long hair, jalike az shame fo him, aah?

1 Corint 15:43

Wen dey put da mahke body inside da groun, da body come wasted. But wen da guy come back alive, he goin come awesome! Wen dey put da body inside da groun, da guy no can do notting. But wen he come back alive, he goin be strong awready!

1 Peter 2:23

Wen dey tell any kine to him, he neva ansa back. Wen he suffa, he neva tell he goin pay um back. But he let God da Judge take kea all dat cuz he know God do da right ting.