John 7:52 - Hawaii Pidgin Bible

⁵² Dey tell him, “Wot! Fo shua you no come from Galilee jalike him! Go check out da Bible from befo time. You goin find out dat nobody dat eva talk fo God come from Galilee!”

John 7:52 ပူးပေါင်းရင်းမြစ်များ

Start 19:9

But da town guys yell, “Move! We goin go inside!” Dey tell each odda, “Dis buggah, he not from hea, he ony live hea short time. But now, he tink he da judge fo tell us wat fo do!” Dey tell Lot, “Afta we pau bang dem guys, we goin do someting mo worse to you!” Dey put plenny presha on Lot fo bring da guys outside, an dey move close fo bus down da door.

1 Kings 22:24

Den Zedekiah, Kanaanah boy, go ova dea an slap Mikaiah head. He tell, “So! How da spirit from Da One In Charge goin leave me, fo go ova dea talk to you, aah?!”

Outa Egypt 2:14

Da guy tell Moses, “Eh! Who you tink you?! Who wen make you da leada o da judge fo tell us guys wat fo do?! Now you goin kill me, same ting jalike you wen kill dat Egypt guy, hah?” Moses, he come sked, cuz he tink, “So! Erybody know awready!”

John 1:46

Natanael tell, “Nah! No mo notting good come from Nazaret!” Philip tell, “Go come check um out!”

John 5:39

You guys go check out da Bible erytime, cuz you guys figga you goin find da real kine life dat goin stay to da max foeva, inside da Bible from befo time. But wen da Bible talk bout how fo get da real kine life, dass me he stay talk bout.

John 7:41

Get odda guys dat tell, “Dis da Christ Guy, da Spesho Guy God Wen Sen!” But da odda guys tell, “You tink God Spesho Guy goin come from Galilee? No way!

John 7:53

Den erybody go home dea place.

John 9:34

Dey tell him, “Eh, you ony do bad kine stuff from da time you born! How come you tink you can teach us guys someting?” Den dey throw um outa da Jew church.