5 You know, even Jesus own braddahs neva trus him.
Wen Jesus stay talk to da peopo, had his muddah an braddah guys ova dea too stay standing outside. Dey like talk to him.
Wen Jesus ohana hear dat, dey go fo take him away. Dey tell, “He wen go pupule!”
But afta Jesus braddahs go da spesho religious kine ceremony, den he go too. But nobody know he stay go.
Den Jesus braddahs tell him, “Go way from hea, an go Judea side, fo da peopo you teach see da kine stuff you stay do.
If one guy like erybody know bout him, he no goin do stuff wea nobody can see him, aah? You stay do all dis kine stuff, az why good you let erybody all ova da place see you do um!”
