John 7:42 - Hawaii Pidgin Bible

⁴² Da Bible tell dat da Christ Guy goin come from King David ancesta guys, an goin come from Betlehem, wea King David wen live, aah?”

John 7:42 ပူးပေါင်းရင်းမြစ်များ

1 Records 2:51

Salma da faddah fo Betlehem, an Haref da faddah fo Bet-Gader.

Songs 132:11

Befo time, Da One In Charge Make one strong promise to David, Da kine promise you can trus, An God no goin change his mind. He tell: “I goin put one king Dat goin come from you, David, On top da throne, Jalike wen you was in charge.

Songs 89:4

‘I goin make shua dat da peopo Dat goin come from you, Goin get da right fo be kings, foeva.’ ” Dass wat God wen promise. (Time out fo da music.)

Isaiah 11:1

Somebody goin come from da Jesse ohana Jalike one new branch come out from one tree stump.

Jeremiah 23:5

Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Matthew 1:1

Dis book tell bout Jesus an his ancesta guys. He da Christ Guy, da Spesho Guy God Wen Sen. He from King David ohana, an David, he from Abraham ohana.

Matthew 2:5

Dey tell um, “He goin born Betlehem, Judea side. Cuz da guy Micah wen tell dis (he one guy dat talk fo God long time befo time):

Matthew 2:6

“ ‘Eh! You Betlehem guys, ova dea Judah side! All da leadas inside Judah Tink Betlehem importan. Cuz from dea goin come one leada. He goin take kea God peopo, Da Israel peopo.’ ”

Luke 2:11

Today inside King David town, one boy wen born dat goin get you guys outa da bad kine stuff you stay do. He da Christ Guy, da Spesho Guy God Wen Sen. He Da One In Charge!

Luke 2:4

So Joseph go from Nazaret town Galilee side, to Betlehem Judea side. Az King David town, cuz he come from King David ohana.

John 7:27

But us guys, we know wea dis guy come from. Wen God sen his Spesho Guy Christ, nobody goin know wea he come from.”

1 Samuel 16:1

Da One In Charge tell Samuel, “You goin stay sad inside all da time cuz a Saul, o wat?! I tell ‘Laytas’ to him fo no be da king fo da Israel peopo no moa. Fill up yoa cow horn bottle wit olive oil, an go; I goin sen you by Jesse, da Betlehem guy. I wen awready pick one a his boys fo come da nex king fo me.”

1 Samuel 16:18

One a da worka guys tell, “You know wat?! I wen see one a Jesse boys from Betlehem dat fo real kine know how fo play da harp. He no sked fo fight, an know how fo fight. He erytime tink befo he talk. An he good looking. Da One In Charge stay tight wit him.”

1 Samuel 16:4

So Samuel do wat Da One In Charge tell. Wen he come Betlehem, da older leadas fo da town go meet him. But dey stay sked an shaking. Dey aks, “How come you hea? Eryting stay good, o wat?”

1 Samuel 17:58

Saul aks David, “My boy, who yoa faddah?” David tell, “Jesse from Betlehem, he my faddah, an you da boss fo him.”