John 7:3 - Hawaii Pidgin Bible

³ Den Jesus braddahs tell him, “Go way from hea, an go Judea side, fo da peopo you teach see da kine stuff you stay do.

John 7:3 ပူးပေါင်းရင်းမြစ်များ

Start 37:20

So dis wat us guys gotta do: Firs, we go kill um. Den we throw da body inside one a da big holes dat get aroun hea. Den we tell oua faddah, ‘One wild animal wen eat um!’ Den we see wat goin happen wit da kine stuff he stay dream!”

Jeremiah 12:6

Even yoa braddahs an yoa ohana peopo, Dey stab you in da back. Dey go all out fo talk bad bout you. But no trus dem, no matta dey talk nice to you.”

Matthew 12:46

Wen Jesus stay talk to da peopo, had his muddah an braddah guys ova dea too stay standing outside. Dey like talk to him.

Mark 3:21

Wen Jesus ohana hear dat, dey go fo take him away. Dey tell, “He wen go pupule!”

Mark 3:31

Den Jesus muddah an braddahs come. Get plenny peopo stay sit aroun him, so his muddah an braddahs stay outside. Dey sen one guy inside fo get him. Da peopo tell him, “Eh, yoa muddah an yoa braddahs an sistahs, dey outside, an dey like talk to you.”

Luke 8:19

Dat time Jesus muddah an braddahs come by him, but dey no can come togedda wit him cuz get choke plenny peopo ova dea.

Luke 8:20

One guy tell Jesus, “Eh, yoa muddah an yoa braddahs, dey outside, an dey like visit you.”

John 2:2

Da ohana tell Jesus an his guys fo come too, so dey go.

John 6:60

Den plenny guys dat go wit Jesus, wen dey hear all dat stuff, dey tell, “Wow! Dis stuff too hard fo tink az fo real kine!”

John 6:66

From dat time had plenny guys dat he teach befo time, but some a dem go back, an neva like go wit him no moa.

John 7:10

But afta Jesus braddahs go da spesho religious kine ceremony, den he go too. But nobody know he stay go.

John 7:4

If one guy like erybody know bout him, he no goin do stuff wea nobody can see him, aah? You stay do all dis kine stuff, az why good you let erybody all ova da place see you do um!”

John 7:5

You know, even Jesus own braddahs neva trus him.

Jesus Guys 2:14

Den Peter stan up wit da odda eleven guys, an tell da peopo wit one big voice, “My braddahs an sistahs, all you Jew guys dat stay inside Jerusalem, lissen! I like tell you guys wat dis stuff dass happen mean.

1 Samuel 17:28

Wen Eliab, David mos older braddah, hear him stay talking to da army guys, he come real piss off wit David. He tell, “How come you come down hea? You ony had litto bit sheeps fo watch. Who you wen leave um wit inside da boonies? You get one big head an you no do wat you suppose to do! Erytime you tink bad kine stuff. You come down hea ony fo see da fight!”