John 7:29 - Hawaii Pidgin Bible

²⁹ But I know him, cuz I come from him, an he wen sen me hea.”

John 7:29 ပူးပေါင်းရင်းမြစ်များ

Matthew 11:27

Den Jesus tell dem, “My Faddah in da sky give me eryting, you know. I his Boy, an az why he do dis. Nobody know me jalike my Faddah know me. An nobody know my Faddah fo real kine, ony me, I know him, cuz I his Boy. An da Boy da one dat pick da peopo he like show da Faddah to dem.

John 1:18

No mo nobody wen see God fo real kine. But ony dat Guy wen see um. No mo anodda guy jalike him cuz he God too. No mo nobody stay mo tight wit his Faddah den him. He da One dat wen show how God stay.

John 10:15

jalike my Faddah know me, an I know my Faddah. I mahke fo my sheeps.

John 13:3

Jesus know dat his Faddah wen give him all da powa ova eryting. He know he come from God an now he goin go back by God.

John 17:18

Jalike you wen sen me to da peopo inside da world, same ting, I sen my guys to da peopo inside da world.

John 6:46

I Da guy dat come from God, an I da ony guy dat eva see da Faddah. No mo anodda guy dat see him eva.

John 8:55

But you guys donno him. I know him. If I tell dat I donno him, den I bulai, jalike you guys. But I know him, an I do wat he tell me fo do.

1 John 1:2

Da One dat can make erybody come alive inside, he wen come by me an da odda peopo. Us wen see him, an now us tell you guys fo shua bout da real kine life he give peopo, da life dat goin stay to da max foeva! Dat life come from him. He wen stay wit da Faddah, an den he show up by us.

1 John 4:14

Me an da odda peopo wen see God Boy, an us stay tell erybody da trut: dat da Faddah wen sen him fo get da peopo inside dis world outa da bad kine stuff dey stay do.

1 John 4:9

Dis how God wen show us dat he get love an aloha fo us: he wen sen his one an ony Boy fo come inside da world. Cuz a him, us guys can come alive inside fo real kine!