John 7:27 - Hawaii Pidgin Bible

²⁷ But us guys, we know wea dis guy come from. Wen God sen his Spesho Guy Christ, nobody goin know wea he come from.”

John 7:27 ပူးပေါင်းရင်းမြစ်များ

Isaiah 11:1

Somebody goin come from da Jesse ohana Jalike one new branch come out from one tree stump.

Isaiah 53:8

Cuz da peopo put in jail Da guy dat work fo Da One In Charge. Dey judge him, Den take um away fo kill um. An da peopo dat stay alive dat time, Dey no even tink bout How dey cut him off Fo him no stay alive inside dea land. Cuz my peopo wen go agains God, Dey wack dat guy.

Jeremiah 23:5

Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.

Jeremiah 30:21

Da numba one guy fo dem goin be one a dea guys. Dea leada guy goin come from dem. I goin let him come nea me, An he goin come. Cuz peopo goin come sked fo come nea me, If I no tell um, can!” Az wat Da One In Charge tell.

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Mark 6:3

Fo shua dass da carpinta guy, aah? His muddah Mary, an his braddahs James, Joseph, Judas, an Simon. His sistahs, dey stay hea wit us too.” Dis bodda dem, how he stay ack.

Luke 4:22

Erybody dat hear him talk good bout him. Dat blow dea mind cuz he talk good. Dey tell, “Eh, dis Joseph boy, aah?”

John 6:42

Dey tell each odda, “Eh, dis guy, he Jesus, aah? He Joseph boy! We know his faddah an muddah, aah? So, how come he tell now, ‘I come down from da sky.’?”

John 7:15

An da Jew leada guys, blow dea mind. Dey tell, “How come dis buggah know all dis stuff? He neva study wit da odda teachas, you know.”

John 9:29

We know dat God wen talk to Moses. But dis buggah, we donno wea he come from.”

Jesus Guys 8:33

Dey wen make him come shame, An dey neva do da right kine ting fo him. Nobody can talk bout his ohana dat come afta him, Cuz his life pau Inside dis world.”