John 7:18 - Hawaii Pidgin Bible

¹⁸ Da guy dat tell stuff dat come from his head, he ony like make peopo tink he awesome. But if one guy like peopo fo figga dat da one dat sen him stay awesome, dat guy stay tell da trut. He no bulai.

John 7:18 ပူးပေါင်းရင်းမြစ်များ

Smart Guys 25:27

Wen one guy ack big head Fo show he importan, Dat show he not importan. Jalike da guy eat mo honey den he need.

Census 11:29

Moses tell him, “You like go fo broke fo me, aah? I like fo all da peopo a Da One In Charge, get his Spirit in charge a dem, dat dey talk fo him!”

Matthew 6:9

So, pray lidis, “ ‘God, you oua Faddah. You stay inside da sky. We like all da peopo know fo shua How good an spesho you stay, An show you plenny respeck.

John 11:4

Wen Jesus hear dat, he tell, “Lazarus no goin mahke from dis sick. Dis happen so erybody goin know how awesome God stay. I God Boy, an erybody goin find out from dis how awesome I stay too.”

John 12:28

I tell dis: ‘Faddah, let um happen, so erybody goin know how awesome you stay.’ ” Den one voice from da sky tell, “I wen show dem I stay awesome awready, an I goin show um one mo time.”

John 12:43

Cuz da leada guys, dey like da peopo talk good bout dem, mo den dey like God talk good bout um.

John 5:41

“I no need peopo fo tell me I awesome.

John 8:54

Jesus tell, “If I try make da peopo tink I awesome, dat no good. My Faddah, he da One dat show dem how awesome I stay. An you guys tell dat he yoa God.

1 Tessalonika 2:6

Us guys neva try fo make peopo tink dat us da greates—not even you guys o odda guys!

1 Peter 4:11

If anybody get da gif fo speak, he gotta tell da same ting God tell. If anybody get da gif fo help anodda guy, he gotta help um wit da powa dat God give um. Den eryting you do goin show how awesome God stay. All dis cuz a Jesus Christ! An dass how peopo goin talk good bout God. He awesome, an his powa goin be foeva. Dass right!

1 John 2:29

You guys know dat God Spesho Guy erytime do da right ting. Dass how you guys know dat erybody dat do da right ting, dey God kids.