John 6:68 - Hawaii Pidgin Bible

⁶⁸ Den Simon Peter tell um, “Eh! You Da One In Charge! Wea we goin go? No mo nobody can tell us how fo live to da max foeva. You da ony one.

John 6:68 ပူးပေါင်းရင်းမြစ်များ

Songs 73:25

Eh God! You da ony one fo me, Up dea inside da sky! An I no need notting inside dis world, Cuz I get you!

Matthew 16:16

Simon Peter tell, “You da Christ Guy, da Spesho Guy God Wen Sen. Da God dat stay alive fo real kine, you his Boy.”

Mark 8:29

Den Jesus tell, “Kay den. Wat bout you guys? Who you guys tink me?” Peter tell, “You da Christ Guy, Da Spesho Guy God Wen Sen.”

Luke 9:20

He aks dem, “Kay den, wat bout you guys? Who you guys figga me?” Peter tell, “You da Christ Guy, da Spesho Guy God Wen Sen.”

John 12:49

Az cuz I neva tell stuff jus cuz I like, but my Faddah dat wen sen me tell me eryting he like me fo tell.

John 12:50

I know fo shua dat wat da Faddah tell us fo do show erybody how dey can come alive foeva fo real kine. Az why eryting I tell, dass jalike wat my Faddah wen tell me fo tell.”

John 17:8

Cuz I teach dem all da stuff dat you wen tell me, an dey take um. Dey know fo shua dat I wen come from you, cuz dey stay shua dat you wen sen me hea.

John 5:24

“Dass right! An I tell you guys dis: Whoeva hear wat I tell, an trus God dat wen sen me, dey get da real kine life dat goin stay to da max foeva! God no goin punish dem. Dey no stay mahke inside no moa. Dey stay alive now fo real kine.

John 6:40

Jalike I wen tell: dis wat my Faddah like, da One dat sen me: Erybody dat see me his Boy, an trus me, dey goin get da real kine life dat goin stay to da max foeva! An I goin make dem come back alive wen da world goin come pau.”

John 6:63

“God Spirit, dass who make da peopo live fo real kine. Da body no can. Wat I stay tell you guys, dass from God Spirit, an dass wat make peopo live fo real kine.

Jesus Guys 13:26

Den Paul tell, “My braddahs an sistahs, you Abraham kids, an all you guys dass not Jew guys but get choke respeck fo God, God sen all us guys da Good Stuff dat take us outa da bad kine stuff us do.

Jesus Guys 4:12

“No mo nobody dat can take da peopo outa da bad kine stuff dey stay do. No mo nobody in da whole world dat we gotta stay tight wit fo him take us outa da bad kine stuff we stay do. God give us ony Jesus fo do dat.”

Jesus Guys 5:20

He tell, “Go stan in front all da peopo inside da open lanai fo da Temple, an tell um eryting bout dis new kine life.”

Jesus Guys 7:38

Moses stay wit all da peopo togedda inside da boonies, wit all oua ancesta guys, an wit da angel guy dat talk to him on top Mount Sinai. God tell him good stuffs fo tell us guys how fo live fo real kine.

Jesus Guys 8:37

[Philip tell um, “I can baptize you if you trus God fo real kine.” Da guy tell, “I trus Jesus, he da Spesho Guy God Wen Sen. He God Boy.”]