John 6:66 - Hawaii Pidgin Bible

⁶⁶ From dat time had plenny guys dat he teach befo time, but some a dem go back, an neva like go wit him no moa.

John 6:66 ပူးပေါင်းရင်းမြစ်များ

Zefaniah 1:6

An I goin wipe out da peopo dat wen bag from me, Da One In Charge, An tell me fo help dem, O try find out from me wass good fo dem do.

Matthew 19:22

Da young guy hear dat, he come real sad, an den he go way, cuz he get plenny rich stuffs dat he no like sell.

Luke 9:62

Jesus tell, “Da guy dat stay plow da field, no good he look back fo see how he wen plow cuz goin come kapakahi how he plow. Dat kine guy no good fo work fo God da King.”

John 2:2

Da ohana tell Jesus an his guys fo come too, so dey go.

John 6:60

Den plenny guys dat go wit Jesus, wen dey hear all dat stuff, dey tell, “Wow! Dis stuff too hard fo tink az fo real kine!”

John 6:64

But get some a you guys dat no trus me.” Jesus tell dat cuz he know from da start who no trus him, an who goin set up him.

John 7:3

Den Jesus braddahs tell him, “Go way from hea, an go Judea side, fo da peopo you teach see da kine stuff you stay do.

John 8:31

Den Jesus tell da Jew guys dat trus him, “If you guys stay tight wit me an da stuff I stay teach you, den you goin be my guys fo real kine, an you guys goin learn mo plenny stuff from me.

2 Timoty 1:15

You know awready, dat Fygelus, an Hermogenes, an odda guys too from West Asia, wen change dea mind an bag from me.

2 Timoty 4:10

Demas, he wen bag an leave me hea, cuz he wen tink all da stuff inside dis world nowdays mo betta. He wen go Tessalonika side. Cresens, he wen go Galatia side, an Titus, Dalmatia side.

Hebrews 10:38

My guys, da ones dat get um right wit me, Dem guys goin live fo real kine cuz dey stay trus me. But if dey come sked an lose fight, I no goin stay good inside bout dem.”

1 John 2:19

Dem guys wen go way from us, but dey neva was wit us. If dey was oua guys, den fo shua dey stay wit us. But dey wen go way, an dat show dat all dem guys neva was oua guys.