John 6:31 - Hawaii Pidgin Bible

³¹ Oua ancesta guys wen eat da spesho manna kine bread inside da boonies, jalike da Bible tell, ‘He give um bread from da sky fo eat.’ ”

John 6:31 ပူးပေါင်းရင်းမြစ်များ

Nehemiah 9:15

Wen dey hungry, you give um bread outa da sky. Wen dey thirsty, you make watta come outa one big rock fo dem. You tell um fo come hea fo take ova dis land, Cuz you wen make one strong promise befo time fo give um da land.”

Nehemiah 9:20

You sen yoa Good Spirit fo teach dem. You neva hold back da manna bread Dat come from you fo dem eat. You give um watta wen dey thirsty.

Songs 105:40

Da peopo wen aks fo food, An God bring um quail birds. He give um bread from da sky Dass nuff fo erybody.

Outa Egypt 16:35

Da Israel peopo eat da manna fo forty year, all da time till dey get to da land wea dey goin make house. Wen dey come jus outside da Canaan land, den no mo da manna no moa.

John 6:32

Jesus tell dem, “Dass right! An I tell you guys dis too: No was Moses dat give yoa ancesta guys da bread from da sky. Was my Faddah, an he da One dat give you guys da real kine bread from da sky still yet.

John 6:49

Yoa ancesta guys wen eat da manna kine bread in da boonies, but no matta, layta dey mahke.

John 6:58

Dis not jalike da manna kine bread dat yoa ancesta guys wen eat, an bumbye dey mahke. Dis da kine bread dat come from God in da sky. Whoeva eat dis kine bread goin live fo real kine.”

1 Corint 10:3

All da peopo wen eat da same food dat God Spirit wen give um,

Rules Secon Time 8:3

He make shua you guys no get big head, an let you guys come hungry, an den he feed you guys manna fo eat. You guys an oua ancesta guys neva know wat manna was from befo time. Az how he wen make you guys know dis: dat peopo no can live ony wit food. Gotta lissen eryting Da One In Charge tell too!

Joshua 5:12

Da manna pau come da nex day afta dey eat da food from da land. No mo manna fo da Israel peopo dat time. Den dey start fo eat food dat grow inside Canaan.

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.