John 5:14 - Hawaii Pidgin Bible

¹⁴ Bumbye Jesus find da guy inside da open lanai fo da Temple. He tell, “Eh, you stay good now. No go do da bad kine stuff no moa, o mo worse ting goin happen to you.”

John 5:14 ပူးပေါင်းရင်းမြစ်များ

2 Records 28:22

Da time wen Ahaz get plenny trouble, even mo he ack so Da One In Charge no can trus um.

Nehemiah 9:28

“But wen oua peopo come inside dis land an make house dea, One mo time dey go do bad kine stuff in front you. You make shua dat da peopo dat stay agains dem Bus dem up an come da boss guys fo oua peopo. Den oua guys turn aroun like how was befo time An yell fo help to you one mo time. You hear dem from inside da sky, An plenny times you get um outa trouble Cuz you get plenny pity fo dem.

Songs 118:18

Da One In Charge punish me real good Fo teach me stuff, But he neva let me mahke.

Songs 18:22

I tink bout all da Rules God make, Wen he tell da tings I gotta do, I no make deaf ear.

Songs 27:6

So now, I goin be da winna Ova da guys dat stay agains me, Dat stay all aroun me. Weneva I bring animals to God tent fo make sacrifice, I goin sing cuz I feel good inside, An make music fo Da One In Charge.

Songs 9:13

Eh! You Da One In Charge! Give me chance! Look how da guys dat stay agains me make me suffa! Bring me back up from da Mahke Peopo Place!

Isaiah 38:20

“Da One In Charge goin get me outa trouble. An us goin play harp kine music An sing my songs, Inside da Temple Fo Da One In Charge, All da time us still yet stay alive.”

Isaiah 38:22

an Hezekiah aks wat kine sign Da One In Charge goin give him dat he goin come good.

Prieses 13:20

Da pries guy goin check um out. If da place look jalike stay go all da way down inside da skin, an da hair inside um come white, da pries guy goin tell erybody dat da guy no can come in front me, Da One In Charge, cuz he not pono. Az one sick dat odda guys can catch. Dat kine sick come from wea da boil wen stay befo time.

Prieses 26:27

“An if you guys still yet no lissen me, an stay piss off wit me,

Prieses 7:12

“Maybe one guy give dat kine sacrifice cuz he like tell me, Da One In Charge, ‘Mahalo plenny!’ fo someting. Den wit da sacrifice, he goin give breads dat no mo yeast inside an he mix um wit olive oil, an crackas dat no mo yeast an he spread da olive oil on top, an roun flat breads dat he make wit da bestes kine flour an no mo yeast an he mix um wit olive oil.

Matthew 12:45

Den da bad spirit go get seven mo spirits dat mo worse den him, an dey all go back inside da guy, an take um ova one mo time. Da guy dat wen get da bad kine spirit come mo worse den befoa. Az why hard fo da bad guys nowdays. Dey goin come mo worse den befoa.”

Mark 2:5

Wen Jesus see dat, he figga, “Eh, wow! Dese guys trus me fo real kine, dat I goin make dea fren come good!” Den he tell da guy, “Eh, my boy, you know all da bad kine stuff you wen do befo time? I tell you now, da shame fo all dat, pau awready!”

John 5:13

But da guy dat come good neva know who Jesus, cuz had plenny peopo dea, an Jesus gone awready.

John 5:5

Had one guy dea dat was sick thirty-eight year.

John 8:11

She tell, “No mo nobody, Mista.” Jesus tell, “You can go now, cuz I no tell you gotta mahke. But no go do bad kine stuff no moa.”

1 Peter 4:3

Befo time you guys had plenny time fo do any kine bad kine stuff, jalike da peopos dat donno God. Dey make any kine. Dey like fool aroun somebody dey no stay married to, dey get piloot, dey ack wild, dey ony like party too much. No matta dey not suppose to, dey go down an pray to da idol kine gods.