John 5:10 - Hawaii Pidgin Bible

¹⁰ So da Jew leada guys tell da guy dat come good, “Eh, dis da Res Day! Dass agains da Rules fo you fo carry yoa mat!”

John 5:10 ပူးပေါင်းရင်းမြစ်များ

Isaiah 58:13

“You guys gotta make da Res Day spesho fo me. An no go any place mo far den you suppose to go, An no jus do wateva you like do dat day, Cuz da whole day stay spesho fo me. You guys gotta tell peopo Dat da Res Day make you feel good inside, An dat stay spesho ony fo me, Da One In Charge, Fo show respeck fo me lidat. Dis, how you goin show respeck fo da Res Day: You no goin do stuff yoa way dat day. You no goin look fo ony da kine stuff you like do. You no goin talk any kine wase time stuff,

Jeremiah 17:21

Dis da message from Da One In Charge: You betta watch out if you like stay alive! No carry stuff on da Res Day, an no bring stuff inside da Jerusalem gates dat day!

Jeremiah 17:27

But if you no lissen wat I tell you fo do, an no make da Res Day spesho fo me, wen you come inside da Jerusalem gates an carry stuff wit you on da Res Day, den I goin burn up da Jerusalem gates wit one fire dat no mo nobody can pio. Da fire goin wipe out da strong wall all aroun Jerusalem.’ ”

Matthew 12:10

An you know wat? Had one guy dea, his one hand stay hanging an no work no moa. Dey tell Jesus, “Stay okay fo make um come good on da Res Day, o wat?” Dey tell dat cuz dey like bus um.

Mark 2:24

But had Pharisee guys ova dea dat tell Jesus, “Hala! Dese guys, you stay teach dem, but still yet dey stay do da kine stuff dey not suppose to do on da Res Day!”

Mark 3:4

Den Jesus tell da peopo, “So, wat? Da Rules tell you can do good kine stuff on da Res Day, o you can do bad kine? Wat you suppose to do, kill peopo o help um? Wat da Rules tell, aah?” But da Pharisee guys, dey neva have notting fo tell.

Luke 13:14

Da main leada guy fo da Jew church come huhu cuz Jesus wen make her come good on da Res Day. So, he tell all da peopo, “Get six days fo work. So, let um make you come good on dem days, an not on da Res Day!”

Luke 23:56

Den dey go home fo make da spices an da perfume ready fo his body. On da Res Day dey res, jalike da Bible tell fo do.

Luke 6:2

But had some Pharisee guys tell, “Hala! How come you guys stay do da kine work dass kapu fo do on da Res Day?!”

John 1:19

One time, da Jew leada guys sen pries guys an odda guys from da Levi ohana dat help da pries guys. Dey sen um by John fo tell, “Eh, who you?” Dis wat he tell um:

John 5:11

He tell, “Da guy dat make me come good, he tell me, ‘Take yoa mat an walk.’ ”

John 5:15

Den da guy go way an tell da Jew leada guys dat was Jesus wen make him come good.

John 5:16

Dass why dem guys start fo make Jesus suffa, cuz he make da guy come good on da Res Day.

John 7:23

If you guys can cut skin on one guy on da Res Day fo no broke Moses Rules, how come you guys come huhu wit me cuz I make one sick guy come good on da Res Day?

John 9:16

Den some a da Pharisee guys tell, “Dis guy no can come from God, cuz he do stuff he not suppose to do on da Res Day.” But odda Pharisee guys tell, “Nah! How can one bad kine guy do da kine awesome stuff dat show who him?” An dey make argue wit each odda.