John 4:42 - Hawaii Pidgin Bible

⁴² Den dey tell da wahine, “Befo time, we ony hear wat you tell us. But now we trus him cuz we hear him too, an we know fo shua dat dis da Guy dat can take da whole world outa da bad kine stuff us stay in.”

John 4:42 ပူးပေါင်းရင်းမြစ်များ

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Matthew 1:21

She goin born one boy, an you goin name um Jesus, cuz he goin get his peopo outa da kine bad stuff dey do.”

Luke 2:32

He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”

John 1:29

Da nex day John spock Jesus stay coming by him, an he tell, “Eh, you guys, try look da guy ova dea! You know wat? He jalike God bebe sheep fo da sacrifice. He hemo da shame fo da bad kine stuff dat erybody inside da whole world stay do!

John 11:17

Wen Jesus go Betany, he find out dat Lazarus stay inside da grave four days awready.

John 17:8

Cuz I teach dem all da stuff dat you wen tell me, an dey take um. Dey know fo shua dat I wen come from you, cuz dey stay shua dat you wen sen me hea.

John 4:29

“Try come! Check out dis guy! He tell me eryting I wen do. Try check out if dis da Christ Guy, da Spesho Guy God Goin Sen!”

John 4:41

Den plenny odda peopo trus him, cuz dey hear wat he tell.

Jesus Guys 13:23

“From da David ohana, God bring Jesus, da One dat take da Israel peopo outa da bad kine stuff dey do, jalike he wen promise fo do.

Jesus Guys 4:12

“No mo nobody dat can take da peopo outa da bad kine stuff dey stay do. No mo nobody in da whole world dat we gotta stay tight wit fo him take us outa da bad kine stuff we stay do. God give us ony Jesus fo do dat.”

Jesus Guys 5:31

God take Jesus by him, an make Jesus sit by da importan place by his right side, cuz he da Main Leada, an he da One dat take us outa da bad kine stuff we do. He da One goin help da Israel peopo come sorry fo all da bad kine stuff dey do. He goin let um go an hemo dea shame.

2 Corint 5:19

Wen Christ wen stay inside dis world, God wen use him fo help da peopo inside da world come pono wit God. Az why he no make dem get da blame fo da way dey wen jam up. An he wen tell us guys all dat fo us kokua all da odda peopo fo dem come pono wit him.

1 Timoty 4:10

Us guys go fo broke an work real hard fo make all dis tings happen. Cuz we trus da God dat stay alive foeva. He can take erybody outa da bad kine stuff dey stay do, an dass wat he do fo da peopo dat trus him.

1 John 2:2

Jesus, he da One dat wen mahke fo come da sacrifice fo us. Dass how he let us guys go an hemo da shame fo all da bad kine stuff we wen do. Jesus wen mahke, not fo us guys ony, but fo da bad kine stuff dat all da peopo inside da whole world do.

1 John 4:14

Me an da odda peopo wen see God Boy, an us stay tell erybody da trut: dat da Faddah wen sen him fo get da peopo inside dis world outa da bad kine stuff dey stay do.

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!