John 4:24 - Hawaii Pidgin Bible

²⁴ God, he one spirit. So den, da peopo dat show him plenny love an respeck gotta do dat wit da powa dey get from God Spirit, an cuz dey know how God stay fo real kine.”

John 4:24 ပူးပေါင်းရင်းမြစ်များ

Songs 145:18

Da One In Charge, he stay ready fo help All da peopo dat yell fo him help um. He stay nea erybody Dat tell him fo help um An him no bulai dem.

Songs 50:23

Da peopo dat stay tell me ‘Mahalo!’ Fo wat I do, Dey da ones make Da real kine sacrifice Fo show how awesome I stay. An da peopo dat stay do eryting my way, Me God goin make shua dey see How I get um outa trouble.” Dass wat God tell.

Songs 51:17

Eh God, dis da kine sacrifice you like: You like me feel all bus up inside Wen I do one bad kine ting. Wen I stay bus up an sore inside Cuz I wen do someting dass no good, You no goin tell I good fo notting.

Songs 66:18

Even if I wen like do someting Ony litto bit bad, My Boss no goin lissen me.

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

John 4:23

Garans da time goin come, an awready stay come now, wen da peopo go down an pray to da Faddah fo real kine. Dey goin show him plenny love an respeck cuz dey stay tight wit God Spirit, an dey goin know fo shua who God. Dass da kine peopo da Faddah like, da ones dat show him plenny love an respeck.

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

2 Corint 3:17

Inside da Bible, wen Moses talk bout “Da One In Charge,” he mean God Spirit. Wen we get da Spirit from Da One In Charge, us can do plenny stuff.

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

1 Timoty 1:17

God, he da King foeva. He no can mahke. Nobody can see him fo real kine. He da ony God. Dass why us guys like tell him we get respeck fo him, an he stay awesome foeva an eva. Dass right!

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”