John 3:20 - Hawaii Pidgin Bible

²⁰ Erybody dat stay do bad kine stuff hate da light, an no like let da light shine on top dem. Cuz dey no like nobody know bout da bad kine stuff dey stay do.

John 3:20 ပူးပေါင်းရင်းမြစ်များ

2 Samuel 13:9

Den she take da pancakes outa da pan fo give him, but he neva like eat um. Amnon tell, “Get erybody outa hea!” So erybody leave him an Tamar.

1 Kings 22:8

King Ahab tell, “Still get one guy I can aks um wat Da One In Charge tink. But I hate da buggah! Weneva he talk fo Da One In Charge, he no tell me notting good! He erytime tell bad tings goin happen to me! His name, Mikaiah, Imlah boy.” King Jehoshafat tell, “Eh, brah, no good you talk lidat!”

1 Kings 3:20

So she get up, middo a da nite wen I stay sleep. She take away my boy dat stay sleep wit me, an put her mahke boy nex by me. An she start fo breas feed my boy.

Songs 50:17

Cuz weneva I tell you wat you gotta do, You come all piss off. You throw out eryting I tell.

Smart Guys 1:29

Cuz dey piss off dat get stuff dey gotta learn, Dey not sked Da One In Charge, dey make up dea mind awready.

Smart Guys 15:12

Da peopo dat no mo respeck fo nobody Cuz dey tink dey know eryting, Dey no like wen peopo tell dem dey wrong. Dey no goin go By da peopo dat know wat fo do erytime, Fo aks dem fo help.

Smart Guys 16:30

Somebody dat make sly kine eyes, Show he make one plan fo rip off somebody. Somebody dat make chocho lip, Show he stay ready fo do one bad ting he tink bout.

Smart Guys 2:13

Cuz dose peopo, dey wen go da right way but dey go back, So den dey go da dark roads wea bad tings happen.

Smart Guys 4:18

But fo da peopo dat do wass right erytime, Eryting come mo an mo betta fo dem, Jalike early morning time get ony litto bit light, Den come mo an mo strong till come day time.

Smart Guys 5:12

An den you goin tell: “Bummahs! I no like How peopo wen try teach me Fo do da right ting! How dey tell me az wrong, Erytime I go do someting bad. But inside, I tink, ‘I no goin change!’

Jeremiah 9:6

Wea you live, erybody bulai erybody. An cuz dey bulai, No way dey goin tell dat I dea God.” Az da message from Da One In Charge.

Luke 11:45

One teacha dat teach da Rules From God tell Jesus, “Eh Teacha, wen you tell dat, you talk bad bout us guys too.”

John 3:21

But whoeva stay do wat da true stuff tell fo do, dass jalike dey like fo da light shine on top dem, fo show erybody dat eryting dey do, dass wat God tell um fo do.”

John 7:7

Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff!