John 19:34 - Hawaii Pidgin Bible

³⁴ But one army guy stab him wit his spear on da side, an blood an watta come out.

John 19:34 ပူးပေါင်းရင်းမြစ်များ

Songs 51:7

Make me come clean inside Fo no do bad tings no moa! Jalike wen da pries guys make one sacrifice An sprinkle da blood Wit one oregano branch, Fo me come clean inside fo pray! Wash me good till I come Mo clean inside, Mo clean den da white snow!

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Zekariah 13:1

Da One In Charge tell dis: “Dat time, jalike God goin open one puka fo watta fo da David ohana an da peopo inside Jerusalem. An from dat watta, dey goin make dea peopo come clean inside from all da bad an pilau kine stuff dey wen do.”

Matthew 27:62

Da nex day, afta da Make Ready Day fo da Passova time, da Main Pries guys an da Pharisee guys come togedda in front Pilate.

John 19:33

But wen dey go by Jesus, dey see dat he mahke awready, so dey neva broke his legs.

John 20:20

An wen Jesus tell dat, he show dem da scars on top his hands an his side. An his guys come real good inside wen dey see Da One In Charge a dem.

Jesus Guys 22:16

An now, wat you stay waiting fo? Stan up, get baptize. An all da bad kine stuff you wen do, Da One In Charge goin clean um up an throw um away cuz you aks him fo help you.’

1 Corint 1:30

You guys know how come you stay tight wit Jesus Christ? Az cuz God like um fo be lidat, dass why! God, he make Jesus da One fo make us guys know wat fo do erytime. An Jesus make us get um right wit God, an stay spesho fo God, an hemo us guys from da powa da bad kine stuff wen get ova us!

1 Corint 6:11

Dass how some a you guys was befo time. But God, he make you guys come clean from all da bad kine stuff you wen do. He make you guys come spesho fo him an make you guys get um right wit him. All dat happen cuz you guys stay tight wit Da One In Charge. Az Jesus, God Spesho Guy. An you stay tight wit oua God Spirit too.

Efesus 5:26

Christ do all dat fo make dem good an spesho fo God cuz jalike he wash um an clean um up inside wit watta. Da stuff Christ tell um, dass wat make dem come clean inside.

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

Hebrews 9:13

Befo time, da Main Pries Guy take da blood from da goats an da cows, o da ash from one burn up young cow, an sprinkle um on top da peopo dat stay pilau an no can pray wit da odda peopo. Den dose peopo come spesho fo God, jalike dey come clean inside fo dem pray wit da odda peopo.

Hebrews 9:22

Dis wat da Rules From God tell: Need blood from da sacrifices fo almos eryting fo make um come clean fo God. If no mo notting dat bleed an mahke, den God no goin let nobody go o hemo dea shame fo all da bad kine stuff dey wen do.

1 Peter 3:21

Da flood, dass jalike one picha wen you guys get baptize. Dat show dat God stay take you guys outa da bad kine stuff you do cuz Jesus Christ wen come back alive one mo time. Wen dey baptize you, dat no mean you jus bafe fo clean yoa body. Dat mean you stay aks God fo make you come clean inside fo know you stay do da right ting.

1 John 5:6

Jesus, he da Guy dat wen come wit watta, da time John wen baptize him. He come wit blood, da time dey wen kill him. He come, not wit watta ony, but wit watta an blood. God Spirit tell us dat dis stay true, cuz his Spirit erytime tell da trut.

1 John 5:8

da Spirit, da watta, an da blood. An dey all tell da same ting.

Jesus Show 1:5

An Jesus Christ, da Spesho Guy God Wen Sen, I like him do plenny good tings fo you guys. Can trus him fo tell da trut bout wat God tell him. He da firs One dat come back alive from mahke. He da main leada ova all da kings inside da world. He da One dat get love an aloha fo us guys. He wen bleed an mahke, An make us come clean From all da bad kine stuff we do.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.