John 19:29 - Hawaii Pidgin Bible

²⁹ Had one jug full a cheap wine ova dea. Dey fill up one sponge wit da wine, put um on top one oregano branch, an put um up to his mout.

John 19:29 ပူးပေါင်းရင်းမြစ်များ

1 Kings 4:33

He know fo tell bout all da plants, from da big cedar tree dat grow Lebanon side, to da small oregano plant dat grow outa one wall. He know how fo tell bout da animals, da birds, da snakes an lizards, an da fish.

Songs 51:7

Make me come clean inside Fo no do bad tings no moa! Jalike wen da pries guys make one sacrifice An sprinkle da blood Wit one oregano branch, Fo me come clean inside fo pray! Wash me good till I come Mo clean inside, Mo clean den da white snow!

Outa Egypt 12:22

Wen you kill da sacrifice, put da blood inside one bowl. Tie togedda some oregano plants fo make jalike one brush, an use um fo put some a da blood from da bowl ova yoa door, an on top da wood on da right side an da lef side a da door. But afta dat, nobody go outside da door till morning time!

Census 19:18

Den one guy dat stay okay fo come in front me, he gotta take one oregano branch, dip um inside dat watta, an sprinkle da tent an all da furnitures, an da peopo dat stay dea. An he gotta sprinkle um on top whoeva touch one mahke guy bone, o one grave, o touch somebody dat get kill o dat mahke regula kine.

Matthew 27:34

Dey try give Jesus wine wit bitta stuff inside, but wen he taste da wine, he no like drink um.

Matthew 27:48

One guy run an put one sponge inside da sour wine, an put um on top one stick, an try give um to Jesus fo drink.

Matthew 27:50

Jesus yell one mo time real loud, an den he let go his spirit an mahke.

Mark 15:36

One guy run an put one sponge inside da sour wine, an put um on top one bamboo, an try give um to Jesus fo drink. He tell, “Try wait! We goin see if Elijah goin come fo get him outa dis.”

Luke 23:36

Da army guys make fun a him too. Dey come by him an like give him some a dea cheap kine wine fo drink.