John 19:24 - Hawaii Pidgin Bible

²⁴ So dey tell, “Mo betta no broke up da robe. We go throw da dice fo um, aah? Fo find out who goin get um.” Dat was fo make happen jalike da Bible tell from befo time: “Dey split my clotheses. An my robe, dey throw da dice fo um.” So dass wat da army guys do.

John 19:24 ပူးပေါင်းရင်းမြစ်များ

2 Kings 15:12

Dis all happen da way Da One In Charge wen tell Jehu goin happen: “You, yoa boy, yoa grankid, an yoa great-grankid, goin sit on top da Israel throne, ony four a dem. Den yoa blood line goin come pau.”

Songs 22:18

Dey wen split up my clotheses An throw da dice fo see who get wat clotheses.

Outa Egypt 28:32

Make one puka fo da head inside da middo a da robe, an weave extra stuff all aroun da puka, fo make um thick so no goin rip, jalike how dey make da metal kine shirt da army guys wear.

Isaiah 10:7

“But da Assyria guys, dey no tink like me. Dey no make same kine plan jalike me. Dea plan, diffren kine, Cuz dey ony like wipe out eryting, An kill plenny diffren peopos.”

Matthew 27:35

Dey nail him on top da cross, an den dey throw dice fo see wat army guy goin get wat clotheses from Jesus.

Mark 15:24

Dey hang him on top da cross wit nails, an den dey throw dice, fo see wat guy goin get wat clotheses from Jesus.

Luke 23:34

Jesus tell, “Faddah, let dem go fo dis bad ting dey stay doing. Dey donno wat dey stay doing!” Da army guys throw dice fo take Jesus clotheses.

John 10:35

Kay den. We know dat eryting da Bible tell from befo time, stay true. So, if God call dem guys he talking to ‘gods,’

John 13:18

“I no talk bout all you guys. I know da guys I wen pick. But gotta happen jalike da Bible tell from befo time, ‘One guy dat eat wit me go agains me.’

John 19:28

Afta dat, Jesus know dat he awready do eryting he suppose to do. Den fo make happen eryting da Bible tell befo time, he tell, “I thirsty!”

Jesus Guys 13:27

Da peopo inside Jerusalem an dea leadas, dey neva know who Jesus was. Dey neva undastan wat da guys dat talk fo God wen write down befo time, no matta dey read um inside dea Jew churches ery Res Day. So wat da Jerusalem leada guys do, dey poin finga Jesus. An dass how dey make happen all da stuff da Bible tell.