John 18:38 - Hawaii Pidgin Bible

³⁸ Pilate tell him, “Wat da trut?” Wen Pilate tell dat, he go back outside to da Jews, an tell um, “I no find notting wrong wit dis guy.

John 18:38 ပူးပေါင်းရင်းမြစ်များ

Matthew 27:24

Den Pilate know he no can make dem change dea minds, cuz da peopo stay bus up da place awready. Az why he take some watta an wash his hands in front da peopo. He tell, “No go poin finga me fo wateva you guys do to dis guy! Dass you guys kuleana!”

Mark 15:14

But Pilate tell, “How come? Wat kine bad ting he wen do?” But dey yell mo loud, “Kill da buggah on top one cross!”

Luke 23:4

Den Pilate tell da Main Pries guys an all da peopo, “I no find notting bad dat dis guy wen do.”

John 18:33

Den Pilate go back inside da army headquarters. He tell Jesus fo come inside, an tell him, “Eh, you! You da king fo da Jews, o wat?”

John 19:4

Den Pilate go outside one mo time, an tell erybody, “Eh, look! I goin bring him outside fo you guys, fo you guys know dat I no find notting bad he do dat I gotta punish him.”

John 19:6

Wen da Main Pries guys an da police guys see Jesus, dey make big noise, an dey yell, “Kill da buggah on top one cross! Kill da buggah on top one cross!” Pilate tell, “You guys take him an kill um on top one cross! I no find notting bad he wen do dat I gotta punish him.”

Jesus Guys 17:32

Wen dey hear him tell dat one guy come back alive from mahke, some a dem guys make fun a him. But odda guys tell, “We like hear you talk bout dis stuff one mo time.”

1 Peter 1:19

He wen pay fo you guys wit his blood! Dat cost mo plenny den eryting! He wen mahke, jalike one good kine bebe sheep dat no mo notting wrong wit um an dey kill um fo da sacrifice.